Иги сеники эсе да, сюйген кесимикин этеме.
Къая джолда джортма, ачыкъ сёзден къоркъма.
Айырылмаз джууугъунга, унутмаз сёзню айтма.
Джахил болса анасы, не билликди баласы?
Къазанны башы ачыкъ болса, итге уят керекди.
Айранын берсенг, челегин да къызгъанма.
Ишлемеген – тишлемез.
Эрине къаргъыш этген къатын, эрнин къабар.
Джол бла сёзню къыйыры джокъ.
Эркишини аманы тиширыуну джылатыр.
Сагъыш – къартлыкъгъа сюйюмчю.
Ата Джуртуму башы болмасам да, босагъасында ташы болайым.
Ачыу алгъа келсе, акъыл артха къалады.
Къошда джокъгъа – юлюш джокъ.
Къыз чыгъаргъан – къызыл къымжа.
Аллахха ийнаннган кишини, Аллах онгдурур ишин.
Телиге акъыл салгъандан эсе, ёлгеннге джан салырса.
Кюн кёрмеген, кюн кёрсе, кюндюз чыракъ джандырыр.
Тойгъан антын унутур.
Тёзгеннге, джабылгъан эшик ачылыр.
Къралынгы – душмандан, башынгы от бла суудан сакъла.
Байлыкъ келсе, акъыл кетер.
Термилгенинги табмазса, кюлгенинге тюберсе.
Артына баргъанны, къатына барма.
Терслик кетер, тюзлюк джетер.
Aдам боллукъ, сыфатындан белгили.
Джумушакъ терекни къурт ашар.
Эшекни не къадар тюйсенг да, ат болмаз.
Халкъны джырын джырласанг, халкъ санга эжиу этер.
Кёбню кёрген – кёб билир.
Тёрени джагъы джокъ.
Ёксюзню тилеги къабыл болур.
Билим насыб берир, билим джолну керир.
Тилде сюек болмаса да, сюек сындырыр.
Узун джолну барсанг, бюгюн келирсе, къысха джолну барсанг, тамбла келирсе.
Тёрде – темир таякълы, къаяда – чыпчыкъ аякълы.
Арыгъан къош чамчы болур.
Байны оноуу, джарлыгъа джарамаз.
Билмезни кёзю кёрмез, этмезни къулагъы эшитмез.
Урунуу – насыбны анасы.
Чомарт къонакъ юй иесин сыйлар.
Ана кёлю – балада, бала кёлю – талада.
Ёлюк кебинсиз къалмаз.
Хазыр ашха – терен къашыкъ.
Алгъанда – джууукъ, бергенде – джау.
Тойчу джашха къарама, къойчу джашха къара.
Ётюрюкню башын керти кесер.
Адамны бетине къарама, адетине къара.
Джеринден айырылгъан – джети джылар, джуртундан айырылгъан – ёлгюнчю джылар.
Хар зат кесини орнуна иги.
