Узун джолну барсанг, бюгюн келирсе, къысха джолну барсанг, тамбла келирсе.
Акъыллы башны – тили къысха.
Ата – баланы уясы.
Алгъанда – джууукъ, бергенде – джау.
Кесине оноу эте билмеген, халкъына да эте билмез.
Джюрекден джюрекге джол барды.
Чабакъсыз кёлге къармакъ салгъанлыкъгъа, чабакъ тутмазса.
Ариу – кёзге, акъыл – джюрекге.
Итли къонакъ джарашмаз.
Иги адамны бир сёзю эки болмаз.
Тамырсыз терекге таянма – джыгъылырса.
Айтхан – тынч, этген – къыйын.
Билим къая тешер.
Адам къаллай бир ишленмесе, аллай бир кесин уллу кёреди.
Къызбайны юйюне дери сюрсенг, батыр болур.
Сабийни джумушха джибер да, ызындан бар.
Ауругъаннга – кийик саулукъ, джетген къызгъа – чилле джаулукъ.
Ач да бол, токъ да бол – намысынга бек бол.
Акъдан къара болмаз.
Билмегенинги, билгеннге сор.
Эркишиге тары кебек танг кёрюнюр.
Ким бла джюрюсенг, аны кёзю бла кёрюнюрсе.
Сакъ юйюне сау барыр.
Ашатыргъа иш – ашхы, ишлетирге аш – ашхы.
Аш кетер да бет къалыр.
Сёз садакъдан кючлюдю.
Иши джокъну, сыйы джокъ.
Аллахха ийнаннган кишини, Аллах онгдурур ишин.
Адам туугъан джеринде, ит тойгъан джеринде.
Чакъырылмагъан джерге барма, чакъырылгъан джерден къалма.
Ариу сёз – къылычдан джити.
Атлыны ашхысы, ат тизгининден билинир
Иги джашны ышаны – аз сёлешиб, кёб тынгылар.
Айырылмаз джууугъунга, унутмаз сёзню айтма.
Нарт сёз – тилни бети.
Мухарны эси – ашарыкъда.
Ата Джуртун танымагъан, атасын да танымаз.
Борчунг бар эсе, хурджунунга ойлаб узал.
Аууз сакълагъан – джан сакълар.
Элге къуллукъ этмеген, элге ие болмаз.
Орну джокъну – сыйы джокъ.
Сёз сёзню айтдырыр.
Ашхы тенг джолгъа салыр, аман тенг джолдан тайдырыр.
Ач отунчуну ачыуу – бурнунда.
Элиб деген, элге болушур.
Джан саулукъ бермей, сан саулукъ бермезсе.
Къыз тиширыу кеси юйюнде да къонакъды.
Юй кюйдю да, кюйюз чыкъды, ортасындан тюйюш чыкъды.
Тойгъа барсанг, тоюб бар, эски тонунгу къоюб бар.
Гугук кесини атын айтыб къычыргъанча, мен, мен деб нек тураса?
