Аджашхан тёгерек айланыр.
Джыгъылгъанны сырты джерден тоймаз.
Абынмазлыкъ аякъ джокъ, джангылмазлыкъ джаякъ джокъ.
Тюкюрюк баш джармаз, налат кёз чыгъармаз!
Окъуусуз билим – джокъ, билимсиз кюнюнг – джокъ.
Юй ишлеген балта эшикде къалыр.
Сёз садакъдан кючлюдю.
Эл ауузу – элия.
Байлыкъ келсе, акъыл кетер.
Айран тёгюлсе, джугъусу къалыр.
Ачлыкъда тары гырджын халыуадан татлы.
Эм ашхы къайын ана мамукъ бла башынгы тешер.
Рысхы – насыбха къор.
Туз, гырджын аша, тюзлюк бла джаша.
Оюмсуз атлагъан, аджалсыз ёлюр.
Таякъ этден ётер, тил сюекден ётер.
Кесине оноу эте билмеген, халкъына да эте билмез.
Чомарт къолда мал къалмаз.
Къызны минг тилер, бир алыр.
Татлы тилде – сёз ариу, чемер къолда – иш ариу.
Аман къатын алгъан, арыр, иги къатын алгъан джарыр.
Кёз – сюйген джерде, къол – ауругъан джерде.
Мал тутхан – май джалар.
Харам къарнашдан, халал тенг ашхы.
Ётюрюкню башын керти кесер.
Ёгюзню мюйюзюнден тутадыла, адамны сёзюнден тутадыла.
Рысхы джалгъанды: келген да этер, кетген да этер.
Адамны адамлыгъы къыйынлыкъда айгъакъланады.
Агъач халкъгъа алтынды, иссиликге салкъынды.
Ашхылыкъ джерде джатмайды, аманлыкъ суугъа батмайды.
Тас болгъан бычакъны сабы – алтын.
Уруну арты – къуру.
Джаралыны джастыгъында сау ёлюр.
Тюзню ётмеги тюзде къалса да, тас болмаз.
Ариу сёз – джаннга азыкъ, аман сёз – башха къазыкъ.
Ачлыкъ отха секиртир.
Билим ат болуб да чабар, къуш болуб да учар.
Кёрмегеннге кебек – танг, битмегеннге сакъал – танг.
Айранын берсенг, челегин да къызгъанма.
Арыгъан къош чамчы болур.
Эринчекни аурууу – кёб.
Тойгъан джерге джети къайт.
Адебсиз адам – джюгенсиз ат.
Аууздан келген, къолдан келсе, ким да патчах болур эди.
Иги сёз – джаннга азыкъ, аман сёз башха – къазыкъ.
Тай асырагъан, атха минер.
Сёз – кюмюш, джыр – алтын.
Зар адам ашынгы ашар, кесинги сатар.
Таугъа чыгъаллыкъ эсенг, тюзде къалма.
Кимни – тили, тиши онглу, кимни – къолу, иши онглу.
