- Ёзденликни джайгъан – джокълукъ.
- Арпа, будай – ащды, алтын, кюмюш а – ташды.
- Ишленмеклик адамлыкъды.
- Этек чакъмакълары баш джаргъан, сёлешген сёзлери таш джаргъан.
- Тилде сюек болмаса да, сюек сындырыр.
- Тёрдеги кюлсе, эшикдеги ышарыр.
- Рысхы джалгъанды: келген да этер, кетген да этер.
- Бир абыннган – минг сюрюнюр.
- Чыкълы кюнде чыкъмагъан, чыкъса къуру кирмеген.
- Ата джурт – алтын бешик.
- Айтылгъан сёз ызына къайтмаз.
- Къызбайны юйюне дери сюрсенг, батыр болур.
- Башынга джетмегенни сорма.
- Тилчи бир сагъатха айлыкъ хата этер.
- Эр абынмай, эл танымаз.
- Ауругъанны сау билмез, ач къарынны токъ билмез.
- Эртде тургъан джылкъычыны эркек аты тай табар.
- Джашны джигитлиги сорулур, къызны джигерлиги сорулур.
- Къайтырыкъ эшигинги, къаты уруб чыкъма.
- Аллахха ийнаннган кишини, Аллах онгдурур ишин.
- Джогъун бар этген, барын бал этген.
- Биреуню эскиси биреуге джангы болмайды.
- Уллу сёлешме да, уллу къаб.
- Суу да къайтады чыкъгъан джерине.
- Уллу суу бла уллу ауруудан башынгы сакъла.
- Элге къуллукъ этмеген, элге ие болмаз.
- Ачылгъан эт джабылыр, кёрген кёз унутмаз.
- Сакъ юйюне сау барыр.
- Сютню башын джалагъан къутулур, тюбюн ичген тутулур.
- Билим къая тешер.
- Къулакъдан эсе, кёзге ышан.
- Арбаз къынгырды да, ийнек сауалмайма.
- Къызын тута билмеген, тул этер, джашын тута билмеген, къул этер.
- Чабакъсыз кёлге къармакъ салгъанлыкъгъа, чабакъ тутмазса.
- Аууздан келген, къолдан келсе, ким да патчах болур эди.
- Аш кетер да бет къалыр.
- Айтхан сёзюне табылгъан.
- Сакъламагъан затынга джолукъсанг, не бек къууанаса, не бек ачыйса.
- Уллу къазанда бишген эт, чий къалмаз.
- Ашда уялгъан – мухар, ишде уялгъан – хомух.
- Чомарт къонакъ юй иесин сыйлар.
- Тас болгъан бычакъны сабы – алтын.
- Баш – акъыл ючюн, акъылман – халкъ ючюн.
- Тулпарлыкъ, билекден тюл – джюрекден.
- Иги адам абынса да, джангылмаз.
- Ач да бол, токъ да бол – намысынга бек бол.
- Ач бёрюге мекям джокъ.
- Ёзденликни кёбю ётюрюк.
- Айырылмаз джууугъунга, унутмаз сёзню айтма.
- Артына баргъанны, къатына барма.
Къарачай-малкъар халкъны нарт сёзлери
|
Малкъар спектаклде окъугъан нарт сёзню джазайым.
Тюш джугъуну..., анга ийнанган адамланы джогъуду |
|
|
|
|
|
Солагайгъа чолакъ дегенлей.
Сангырау тилкъауну юретгенлей.  Сютю джокъду деб ёгюзню тюйгенлей.  |
|
|
|
|
|
Джигт тюшюнде джауну кёрюр, чабакъчы тюшюнде ауну кёрюр
Мир умутдан минг умут чыгъар Билим эшикден кирсе, дин оджакъ бла чыгъар-деб нек аитханла? |
|
|
|
|
|
Кергелен
бек тиерсиз сау болугъуз! Муну ючюн а джыр бкереме саугъагъа. джаратыб тынгыларсыз деген умут бла  |
|
|
|
|
|
КергеленвсезнайкаСау бол ,джырынга да тынгладым, ана къарнашымы да кёрдюм))))))))))
Да не сау болу барды, келе туругъуз Батыр турса-элге насыб, джауун джауса-джерег насыб |
|
|
|
|
 Анасы махтагъанны- алма, Тийреси махтагъандан къалма. Ата- билек ,ана-джюрек. Ата болмагъан -атаны къыйматын билмез. |
|
|
|
|
|
сакъалсыз сакъаллыны алдар
|
|
|
|
|
|
бозанг болмагъан жерге къалагъынгы сукъма
|
|
|
|
|
|
Чыракъ да кесини тёгерегин джарытады.
Чыбчыкъ аягъыда бокълайды сууну. |
|
|
|
|
|
Юйге дуппукъ, тышына джити балта
|
|
|
|
|
|
Чалкъычылагъа))))))))))
Бюреуню дырынын джыйыб, кесиникин чиритген.   Бай эсенг--" джуукъ бол" Джарлы эсенг-"сау къал"  Бермезни ашы бишмез. |
|
|
|
|
|
Кергелен
Аллах саулукъ берсин, ана тилибизде темаланы джилтинлерин ёчюлтмей тургъаныгъыз ючюн  |
|
|
|
|
|
Биреуню тёрюнден эсе кесинги эшик артынг шхыды.
Эринчек ауруу табар, ишлеген саулукъ табар |
|
|
|
|
|
всезнайка
былайгъа къара да, бир джууаб эт: http://www.elbrusoid.org/phorum/index.php?action=v thread&forum=22&topic=13718&page=2 |
|
|
|
|
|
Къайын адетли болса, келин намыслы болур.
Къашыкъ бла джыйгъанынгы чёмюч бла чачма |
|
|
|
|
|
Дунияда тюзлюк къуругъан эседа, Уллу малкъарда Тёредамы къуругъанды.
|
|
|
|
|
|
Анасы жюрюшлю болса, къызы жоргъа болады.
|
|
|
|
|
|
Иш къылыгъын билмеген ит ылыгъын сынар.
|
|
|
|
|
|
Онгсуз кёрсе, биреу сеннге кеси аллына алынады,
Онглу болсанг, кесинге огъай, джууугъунга джалынады |
|
|
|
|
|
Багъалы эгечим, адетли деген сёзюнгю орнуна, адебли деб салыргъа керекди. Алайчыгъы терсди. Айыб этме, эгечим
|
|
|
|
|
|
Анасы жюрюшлю болса, къызы жоргъа болады.
Болады деб, айтылмайды. Алай а тюзю болур деб айтылады. Нек десенг хаманда джоргъа болуб бармайды. |
||||
|
|
|
|||
Читают тему (гостей: 2)