- Ишлегенден, къарагъан уста.
- Къолунгдан къуймакъ ашатсанг да, атаны борчундан къутулмазса.
- Келлик заман – къартлыкъ келтирир, кетген заман – джашлыкъ ёлтюрюр.
- Къанны къан бла джуума, аманны аман бла къуума.
- Ойнай-ойнай кёз чыгъар.
- Билим ат болуб да чабар, къуш болуб да учар.
- Кёбню кёрген – кёб билир.
- Джарашыу сюйген – джалынчакъ.
- Элге къуллукъ этмеген, элге ие болмаз.
- Нёгер болсанг, тенг бол, тенг болмасанг, кенг бол.
- Чыкълы кюнде чыкъмагъан, чыкъса къуру кирмеген.
- Айраннга суу къош, телиге джол бош.
- Тюзлюк тас болмайды.
- Насыблы элин сюер, насыбсыз кесин сюер.
- Сакъ юйюне сау барыр.
- Аман киши кеси юйюнде – къонакъ.
- Босагъагъа джууукъ орун болса, ашыгъыб тёрге озма.
- Иги адам абынса да, джангылмаз.
- Адеб джокъда, намыс джокъ.
- Хар сёзню орну барды.
- Къулакъдан эсе, кёзге ышан.
- Къалгъан ишге къар джауар.
- Бет бетге къараса, бет да джерге къарар.
- Чакъырылгъанны аты, чакъырылмагъанны багъасы болур.
- Окъ къызбайны джокълайды.
- Тас болгъан бычакъны сабы – алтын.
- Эрни эр этерик да, къара джер этерик да, тиширыуду.
- Къарт болгъан джерде, берекет болур, сабий болгъан джерде, оюн болур.
- Къолу уллу – асыу, аягъы уллу – джарсыу.
- Тил джюрекге джол ишлейди.
- Аман къатын алгъан, арыр, иги къатын алгъан джарыр.
- Хоншуну тауугъу къаз кёрюнюр, келини къыз кёрюнюр.
- Кесинге джетмегенни, кёб сёлешме.
- Ётюрюк хапар аякъ тюбю бла джюрюйдю.
- Чакъырылмагъан къонакъ – орунсуз.
- Джигер – джаннга къыйынлыкъ.
- Ёлген аслан – сау чычхан.
- Тойгъан джерге джети къайт.
- Ач, тоймам, дейди, тойгъан, ач болмам, дейди.
- Тойну къарнашы – харс, джырны къарнашы – эжиу.
- Игини сыйлагъан адетди.
- Къызны минг тилер, бир алыр.
- Урунуу – насыбны анасы.
- Къумурсхала джыйылсала, пилни да джыгъадыла.
- Чомарт къолда мал къалмаз.
- Ашхы – джыяр, аман – джояр.
- Джолда аягъынга сакъ бол, ушакъда тилинге сакъ бол.
- Суу да къайтады чыкъгъан джерине.
- Бал чибинни ургъаны – ачы, балы – татлы.
- Таукел тауну аудурур.
Къарачай-малкъар халкъны нарт сёзлери
|
Малкъар спектаклде окъугъан нарт сёзню джазайым.
Тюш джугъуну..., анга ийнанган адамланы джогъуду |
|
|
|
|
|
Солагайгъа чолакъ дегенлей.
Сангырау тилкъауну юретгенлей.  Сютю джокъду деб ёгюзню тюйгенлей.  |
|
|
|
|
|
Джигт тюшюнде джауну кёрюр, чабакъчы тюшюнде ауну кёрюр
Мир умутдан минг умут чыгъар Билим эшикден кирсе, дин оджакъ бла чыгъар-деб нек аитханла? |
|
|
|
|
|
Кергелен
бек тиерсиз сау болугъуз! Муну ючюн а джыр бкереме саугъагъа. джаратыб тынгыларсыз деген умут бла  |
|
|
|
|
|
КергеленвсезнайкаСау бол ,джырынга да тынгладым, ана къарнашымы да кёрдюм))))))))))
Да не сау болу барды, келе туругъуз Батыр турса-элге насыб, джауун джауса-джерег насыб |
|
|
|
|
 Анасы махтагъанны- алма, Тийреси махтагъандан къалма. Ата- билек ,ана-джюрек. Ата болмагъан -атаны къыйматын билмез. |
|
|
|
|
|
сакъалсыз сакъаллыны алдар
|
|
|
|
|
|
бозанг болмагъан жерге къалагъынгы сукъма
|
|
|
|
|
|
Чыракъ да кесини тёгерегин джарытады.
Чыбчыкъ аягъыда бокълайды сууну. |
|
|
|
|
|
Юйге дуппукъ, тышына джити балта
|
|
|
|
|
|
Чалкъычылагъа))))))))))
Бюреуню дырынын джыйыб, кесиникин чиритген.   Бай эсенг--" джуукъ бол" Джарлы эсенг-"сау къал"  Бермезни ашы бишмез. |
|
|
|
|
|
Кергелен
Аллах саулукъ берсин, ана тилибизде темаланы джилтинлерин ёчюлтмей тургъаныгъыз ючюн  |
|
|
|
|
|
Биреуню тёрюнден эсе кесинги эшик артынг шхыды.
Эринчек ауруу табар, ишлеген саулукъ табар |
|
|
|
|
|
всезнайка
былайгъа къара да, бир джууаб эт: http://www.elbrusoid.org/phorum/index.php?action=v thread&forum=22&topic=13718&page=2 |
|
|
|
|
|
Къайын адетли болса, келин намыслы болур.
Къашыкъ бла джыйгъанынгы чёмюч бла чачма |
|
|
|
|
|
Дунияда тюзлюк къуругъан эседа, Уллу малкъарда Тёредамы къуругъанды.
|
|
|
|
|
|
Анасы жюрюшлю болса, къызы жоргъа болады.
|
|
|
|
|
|
Иш къылыгъын билмеген ит ылыгъын сынар.
|
|
|
|
|
|
Онгсуз кёрсе, биреу сеннге кеси аллына алынады,
Онглу болсанг, кесинге огъай, джууугъунга джалынады |
|
|
|
|
|
Багъалы эгечим, адетли деген сёзюнгю орнуна, адебли деб салыргъа керекди. Алайчыгъы терсди. Айыб этме, эгечим
|
|
|
|
|
|
Анасы жюрюшлю болса, къызы жоргъа болады.
Болады деб, айтылмайды. Алай а тюзю болур деб айтылады. Нек десенг хаманда джоргъа болуб бармайды. |
||||
|
|
|
|||
Читают тему (гостей: 2)