- Рысхы – насыбха къор.
- Акъыл бла адеб эгизледиле.
- Нёгерсизни джолу узун.
- Джахил болса анасы, не билликди баласы?
- Къалгъан ишге къар джауар.
- Тулпарлыкъ, билекден тюл – джюрекден.
- Ойнаб айтсанг да, эслеб айт.
- Бир абыннган – минг сюрюнюр.
- Адеб базарда сатылмаз.
- Зар адам ашынгы ашар, кесинги сатар.
- Мен да «сен», дейме, сен да «кесим», дейсе.
- Миллетни бойну – базыкъ, аны бла кюрешген – джазыкъ.
- Кёз – сюйген джерде, къол – ауругъан джерде.
- Келинин тута билмеген, къул этер, къызын тута билмеген, тул этер.
- Игини сыйлагъан адетди.
- Гугурук къычырмаса да, тангны атары къалмаз.
- Дуния аламаты сен эсенг да, игиме деб айтма.
- Кюлме джашха – келир башха.
- Тойчу джашха къарама, къойчу джашха къара.
- Урунуу – насыбны анасы.
- Рысхысына кёре, джаш ёсер, къышлыгъына кёре, мал ёсер.
- Джол бла сёзню къыйыры джокъ.
- Ётюрюкчюню шагъаты – къатында.
- Адам туугъан джеринде, ит тойгъан джеринде.
- Эл элде бирер малынг болгъандан эсе, бирер тенгинг болсун.
- Къартха ушагъан джаш – акъыллы, джашха ушагъан къарт – тели.
- Къанны къан бла джуума, аманны аман бла къуума.
- Аманны тукъумуна къарама, игини тукъумун сорма.
- Тилде сюек болмаса да, сюек сындырыр.
- Арбаз сайлама да, хоншу сайла.
- Эки элинги тыйсанг, джети элде махталырса.
- Терслик кетер, тюзлюк джетер.
- Сабий кёргенин унутмаз.
- Ашхы адам – халкъ байлыгъы, ашхы джер – джашау байлыгъы.
- Билеги кючлю, бирни джыгъар, билими кючлю, мингни джыгъар.
- Сёз – кюмюш, джыр – алтын.
- Бет бетге къараса, бет да джерге къарар.
- Кёб ант этген, кёб ётюрюк айтыр.
- Бети бедерден, намыс сакълама.
- Кечеси – аяз, кюню – къыш, джарлы къаргъагъа бир аш тюш!
- Ёзденликни джайгъан – джокълукъ.
- Джангыз терек къынгыр ёсер.
- Ишин билген, аны сыйын чыгъарады.
- Аманны эки битли тону болур, бирин сеннге кийдирир, бирин кеси киер.
- Орундукъ тюбюнде атылсам да, орта джиликме, де да айлан.
- Байлыкъ болгъан джерде, тынчлыкъ джокъду.
- Ёксюзню къалачы уллу кёрюнюр.
- Чакъырылгъанны аты, чакъырылмагъанны багъасы болур.
- Ишге юренсин къоллары, халкъ бла болсун джоллары.
- Джылар джаш, атасыны сакъалы бла ойнар.
Къарачай-малкъар халкъны нарт сёзлери
|
Малкъар спектаклде окъугъан нарт сёзню джазайым.
Тюш джугъуну..., анга ийнанган адамланы джогъуду |
|
|
|
|
|
Солагайгъа чолакъ дегенлей.
Сангырау тилкъауну юретгенлей.  Сютю джокъду деб ёгюзню тюйгенлей.  |
|
|
|
|
|
Джигт тюшюнде джауну кёрюр, чабакъчы тюшюнде ауну кёрюр
Мир умутдан минг умут чыгъар Билим эшикден кирсе, дин оджакъ бла чыгъар-деб нек аитханла? |
|
|
|
|
|
Кергелен
бек тиерсиз сау болугъуз! Муну ючюн а джыр бкереме саугъагъа. джаратыб тынгыларсыз деген умут бла  |
|
|
|
|
|
КергеленвсезнайкаСау бол ,джырынга да тынгладым, ана къарнашымы да кёрдюм))))))))))
Да не сау болу барды, келе туругъуз Батыр турса-элге насыб, джауун джауса-джерег насыб |
|
|
|
|
 Анасы махтагъанны- алма, Тийреси махтагъандан къалма. Ата- билек ,ана-джюрек. Ата болмагъан -атаны къыйматын билмез. |
|
|
|
|
|
сакъалсыз сакъаллыны алдар
|
|
|
|
|
|
бозанг болмагъан жерге къалагъынгы сукъма
|
|
|
|
|
|
Чыракъ да кесини тёгерегин джарытады.
Чыбчыкъ аягъыда бокълайды сууну. |
|
|
|
|
|
Юйге дуппукъ, тышына джити балта
|
|
|
|
|
|
Чалкъычылагъа))))))))))
Бюреуню дырынын джыйыб, кесиникин чиритген.   Бай эсенг--" джуукъ бол" Джарлы эсенг-"сау къал"  Бермезни ашы бишмез. |
|
|
|
|
|
Кергелен
Аллах саулукъ берсин, ана тилибизде темаланы джилтинлерин ёчюлтмей тургъаныгъыз ючюн  |
|
|
|
|
|
Биреуню тёрюнден эсе кесинги эшик артынг шхыды.
Эринчек ауруу табар, ишлеген саулукъ табар |
|
|
|
|
|
всезнайка
былайгъа къара да, бир джууаб эт: http://www.elbrusoid.org/phorum/index.php?action=v thread&forum=22&topic=13718&page=2 |
|
|
|
|
|
Къайын адетли болса, келин намыслы болур.
Къашыкъ бла джыйгъанынгы чёмюч бла чачма |
|
|
|
|
|
Дунияда тюзлюк къуругъан эседа, Уллу малкъарда Тёредамы къуругъанды.
|
|
|
|
|
|
Анасы жюрюшлю болса, къызы жоргъа болады.
|
|
|
|
|
|
Иш къылыгъын билмеген ит ылыгъын сынар.
|
|
|
|
|
|
Онгсуз кёрсе, биреу сеннге кеси аллына алынады,
Онглу болсанг, кесинге огъай, джууугъунга джалынады |
|
|
|
|
|
Багъалы эгечим, адетли деген сёзюнгю орнуна, адебли деб салыргъа керекди. Алайчыгъы терсди. Айыб этме, эгечим
|
|
|
|
|
|
Анасы жюрюшлю болса, къызы жоргъа болады.
Болады деб, айтылмайды. Алай а тюзю болур деб айтылады. Нек десенг хаманда джоргъа болуб бармайды. |
||||
|
|
|
|||
Читают тему (гостей: 2)