- Тюзлюк тас болмайды.
- Ишге юренсин къоллары, халкъ бла болсун джоллары.
- Къуру гыбыт бек дыгъырдар.
- Кюн кёрмеген, кюн кёрсе, кюндюз чыракъ джандырыр.
- Кирсизни – саны таза, халалны – къаны таза.
- Игиге айтсанг – билир, аманнга айтсанг – кюлюр.
- Ашхы болсанг, атынг чыгъар, аман болсанг, джанынг чыгъар.
- Нёгер болсанг, тенг бол, тенг болмасанг, кенг бол.
- Суу ичген шауданынга тюкюрме.
- Къуллукъчума, деб махтанма, къуллукъ – хаух джамчыды!
- Алтыннга тот къонмаз.
- Айырылмаз джууугъунга, унутмаз сёзню айтма.
- Махтаннган къыз, тойда джукълар.
- Ханы къызы буюгъа-буюгъа киштик болду.
- Чакъырылмагъан къонакъ – орунсуз.
- Ариу сёз джыланны орнундан чыгъарыр.
- Эри аманны, къатыны – аман.
- Ишлегенден, къарагъан уста.
- Зар адамны насыбы болмаз.
- Телиге от эт десенг, юйюнге от салыр.
- Мухардан ач ычхынмаз.
- Кимни – тили, тиши онглу, кимни – къолу, иши онглу.
- Биреуге аманлыкъ этиб, кесинге игилик табмазса.
- Ашхылыкъ джерде джатмайды, аманлыкъ суугъа батмайды.
- Эркиши – от, тиширыу – суу.
- Мени джылытмагъан кюн, меннге тиймесин!
- Чабакъсыз кёлге къармакъ салгъанлыкъгъа, чабакъ тутмазса.
- Акъыллы айтыр эди, акъылсыз къоймайды.
- Ата – баланы уясы.
- Къарны аманнга къазан такъдырма, къолу аманнга от джакъдырма.
- Ким бла джюрюсенг, аны кёзю бла кёрюнюрсе.
- Тюзню ётмеги тюзде къалса да, тас болмаз.
- Тёзгеннге, джабылгъан эшик ачылыр.
- Этим кетсе да, сюегим къалыр.
- Тил бла келеди джыр да.
- Нарт сёз – тилни бети.
- Бёрю да ач къалмасын, эчки да ашалмасын.
- Аман къатын алгъан, арыр, иги къатын алгъан джарыр.
- Джолда аягъынга сакъ бол, ушакъда тилинге сакъ бол.
- Уллу айтханны этмеген – уллаймаз.
- Таш ата билмеген, башына урур.
- Тюз сёз баргъан сууну тыяр.
- Джиби бир къат джетмей эди да, эки къат тарта эди.
- Алтыда кюлмеген, алтмышда кюлмез.
- Джан саулукъ бермей, сан саулукъ бермезсе.
- Къазанчы аман болса, къазаны къайнамаз.
- Башланнган иш битер, къымылдагъан тиш тюшер.
- Аман къатын сабий табса, бий болур…
- Къайгъы тюбю – тенгиз.
- Тёрдеги кюлсе, эшикдеги ышарыр.
Къарачай-малкъар халкъны нарт сёзлери
|
Малкъар спектаклде окъугъан нарт сёзню джазайым.
Тюш джугъуну..., анга ийнанган адамланы джогъуду |
|
|
|
|
|
Солагайгъа чолакъ дегенлей.
Сангырау тилкъауну юретгенлей.  Сютю джокъду деб ёгюзню тюйгенлей.  |
|
|
|
|
|
Джигт тюшюнде джауну кёрюр, чабакъчы тюшюнде ауну кёрюр
Мир умутдан минг умут чыгъар Билим эшикден кирсе, дин оджакъ бла чыгъар-деб нек аитханла? |
|
|
|
|
|
Кергелен
бек тиерсиз сау болугъуз! Муну ючюн а джыр бкереме саугъагъа. джаратыб тынгыларсыз деген умут бла  |
|
|
|
|
|
КергеленвсезнайкаСау бол ,джырынга да тынгладым, ана къарнашымы да кёрдюм))))))))))
Да не сау болу барды, келе туругъуз Батыр турса-элге насыб, джауун джауса-джерег насыб |
|
|
|
|
 Анасы махтагъанны- алма, Тийреси махтагъандан къалма. Ата- билек ,ана-джюрек. Ата болмагъан -атаны къыйматын билмез. |
|
|
|
|
|
сакъалсыз сакъаллыны алдар
|
|
|
|
|
|
бозанг болмагъан жерге къалагъынгы сукъма
|
|
|
|
|
|
Чыракъ да кесини тёгерегин джарытады.
Чыбчыкъ аягъыда бокълайды сууну. |
|
|
|
|
|
Юйге дуппукъ, тышына джити балта
|
|
|
|
|
|
Чалкъычылагъа))))))))))
Бюреуню дырынын джыйыб, кесиникин чиритген.   Бай эсенг--" джуукъ бол" Джарлы эсенг-"сау къал"  Бермезни ашы бишмез. |
|
|
|
|
|
Кергелен
Аллах саулукъ берсин, ана тилибизде темаланы джилтинлерин ёчюлтмей тургъаныгъыз ючюн  |
|
|
|
|
|
Биреуню тёрюнден эсе кесинги эшик артынг шхыды.
Эринчек ауруу табар, ишлеген саулукъ табар |
|
|
|
|
|
всезнайка
былайгъа къара да, бир джууаб эт: http://www.elbrusoid.org/phorum/index.php?action=v thread&forum=22&topic=13718&page=2 |
|
|
|
|
|
Къайын адетли болса, келин намыслы болур.
Къашыкъ бла джыйгъанынгы чёмюч бла чачма |
|
|
|
|
|
Дунияда тюзлюк къуругъан эседа, Уллу малкъарда Тёредамы къуругъанды.
|
|
|
|
|
|
Анасы жюрюшлю болса, къызы жоргъа болады.
|
|
|
|
|
|
Иш къылыгъын билмеген ит ылыгъын сынар.
|
|
|
|
|
|
Онгсуз кёрсе, биреу сеннге кеси аллына алынады,
Онглу болсанг, кесинге огъай, джууугъунга джалынады |
|
|
|
|
|
Багъалы эгечим, адетли деген сёзюнгю орнуна, адебли деб салыргъа керекди. Алайчыгъы терсди. Айыб этме, эгечим
|
|
|
|
|
|
Анасы жюрюшлю болса, къызы жоргъа болады.
Болады деб, айтылмайды. Алай а тюзю болур деб айтылады. Нек десенг хаманда джоргъа болуб бармайды. |
||||
|
|
|
|||
Читают тему (гостей: 2)