- Джеринден айырылгъан – джети джылар, джуртундан айырылгъан – ёлгюнчю джылар.
- Кийиминг бла танылма, адамлыкъ бла таныл.
- Ариу сёзде ауруу джокъ.
- Чомарт джарлы болмаз.
- Юйлю уругъа ит чабмаз.
- Алтыда кюлмеген, алтмышда кюлмез.
- Къарт бла баш аша, джаш бла аякъ аша.
- Билмейме деген – бир сёз
- Тамырсыз терекге таянма – джыгъылырса.
- Тау башында, тау болмаз, джангыз терек, бау болмаз.
- Джюрекге ариу – кёзге да ариу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ауругъаннга – кийик саулукъ, джетген къызгъа – чилле джаулукъ.
- Этни да ашады, бетни да ашады.
- Тешигини къатында, чычхан да батыр болур.
- Хата – гитчеден.
- Аджалсыз ёлюм болмаз.
- Магъанасыз сёз – тауушсуз сыбызгъы.
- Къалгъан ишге къар джауар.
- Байлыкъ келсе, акъыл кетер.
- Байлыкъ адамны сокъур этер.
- Ашыкъгъан cуу, тенгизге джетмез.
- Эки къатын алгъан – эки ташны ортасына башын салгъан.
- Ёлген эшек бёрюден къоркъмайды.
- Къыз келсе, джумуш эте келеди, къатын келсе, ушакъ эте келеди.
- Кёбге таш атма.
- Тюз сёз баргъан сууну тыяр.
- Айыбны суу бла джууалмазса.
- Азыкъ аз болса, эртде орун сал.
- Намыс сатылыб алынмайды.
- Байны оноуу, джарлыгъа джарамаз.
- Тешик этген тынчды, аны джамагъан къыйынды.
- Уллу сёлешме да, уллу къаб.
- Малны кют, джерни тюрт.
- Махтаннган къыз, тойда джукълар.
- Уллу къазанда бишген эт, чий къалмаз.
- Ёксюзню тилеги къабыл болур.
- Урунуу – насыбны анасы.
- Билим къая тешер.
- Башда акъыл болмаса, эки аякъгъа кюч джетер.
- Ёксюзню къалачы уллу кёрюнюр.
- Сууда джау джокъ, кёб сёзде магъана джокъ.
- Къолунгдан къуймакъ ашатсанг да, атаны борчундан къутулмазса.
- Ашда уялгъан – мухар, ишде уялгъан – хомух.
- Къоркъакъны кёзю экили кёрюр.
- Шапа кёб болса, аш татымсыз болур.
- Иесиз малны бёрю ашар.
- Гыдай эчки суугъа къараб, мюйюзле кёрмесе, джашма алкъын, дегенди.
- Узун джолну барсанг, бюгюн келирсе, къысха джолну барсанг, тамбла келирсе.
- Къайгъыны сюйген, къайгъы табар.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)