Войти на сайт
25 Июня  2026 года

 

  • Эски джаугъа ышанма.
  • Акъдан къара болмаз.
  • Сагъышы джокъ – джукъучу, акъылы джокъ – къаугъачы.
  • Акъыллы айтыр эди, акъылсыз къоймайды.
  • Экеулен сёлеше тура эселе, орталарына барыб кирме.
  • Эрни эр этерик да, къара джер этерик да, тиширыуду.
  • Къобан да къуру да къобханлай турмайды, адам да къуру да патчахлай турмайды.
  • Татлы сёз – балдан татлы.
  • Аманны тукъумуна къарама, игини тукъумун сорма.
  • Къууут – джелге, берне – бошха.
  • Накъырда – кертини келечиси.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ашхы тенг джолгъа салыр, аман тенг джолдан тайдырыр.
  • Ач – эснер, ат – кишнер.
  • Ётген ёмюр – акъгъан суу.
  • Адам боллукъ, атламындан белгили болур.
  • Чомарт къолда мал къалмаз.
  • Ариу джол аджал келтирмез.
  • Айраннга суу къош, телиге джол бош.
  • Тил бла келеди джыр да.
  • Бир онгсуз адам адет чыгъарды, деб эштирик тюлсе.
  • Хар ишни да аллы къыйынды.
  • Байлыкъ болгъан джерде, тынчлыкъ джокъду.
  • Къартха ушагъан джаш – акъыллы, джашха ушагъан къарт – тели.
  • Эли джокъну – кёлю джокъ.
  • Билимли ёлмез, билимсиз кёрмез.
  • Сыфатында болмагъаны, суратында болмаз.
  • Аман къатын алгъан, арыр, иги къатын алгъан джарыр.
  • Садакъачыны джаны – къапчыгъында.
  • Чыкълы кюнде чыкъмагъан, чыкъса къуру кирмеген.
  • Бозанг болмагъан джерге, къалагъынгы сукъма.
  • Игиге айтсанг – билир, аманнга айтсанг – кюлюр.
  • Ашда – бёрю, ишде – ёлю.
  • Ауругъаннга – кийик саулукъ, джетген къызгъа – чилле джаулукъ.
  • Аманнга алтын чыдамаз.
  • Адам къаллай бир ишленмесе, аллай бир кесин уллу кёреди.
  • Аш берме да, къаш бер.
  • Шекер бла туз – бир болмаз, ушамагъан – юй болмаз.
  • Телиге акъыл салгъандан эсе, ёлгеннге джан салырса.
  • Тойгъа барсанг, тоюб бар, эски тонунгу къоюб бар.
  • Ёгюзню мюйюзюнден тутадыла, адамны сёзюнден тутадыла.
  • Нарт сёз – тилни бети.
  • Кечеси – аяз, кюню – къыш, джарлы къаргъагъа бир аш тюш!
  • Къуллукъчума, деб махтанма, къуллукъ – хаух джамчыды!
  • Кёбден умут этиб, аздан къуру къалма.
  • Къан бла кирген, джан бла чыгъар.
  • Къарт болгъан джерде, берекет болур, сабий болгъан джерде, оюн болур.
  • Аз сёлешген, къайгъысыз турур.
  • Къарнынг ауруса, ауузунгу тый
  • Абынмазлыкъ аякъ джокъ, джангылмазлыкъ джаякъ джокъ.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 1)

 

Написать нам