Войти на сайт
25 Июня  2026 года

 

  • Кеси юйюмде мен да ханма.
  • Ач къалгъандан, кеч къалгъан къолай.
  • Джашда акъыл джокъ, къартда къарыу джокъ.
  • Тилчи бир сагъатха айлыкъ хата этер.
  • Намысы джокъну – дуниясы джокъ.
  • Байны къызы баймакъ болса да, юйде къалмаз!
  • Къыйынлы джети элге оноу этер.
  • Рысхы – сют юсюнде кёмюк кибикди.
  • Тёрде – темир таякълы, къаяда – чыпчыкъ аякълы.
  • Ачны эсинде – аш.
  • Окъ къызбайны джокълайды.
  • Адамны аманы адамны бети бла ойнар.
  • От кюйдюрген, сау болса да, тот кюйдюрген, сау болмаз.
  • Кёлю джокъну – джолу джокъ.
  • Ач бёрюге мекям джокъ.
  • Айран тёгюлсе, джугъусу къалыр.
  • Аманны эки битли тону болур, бирин сеннге кийдирир, бирин кеси киер.
  • Чомартха Тейри да борчлуду.
  • Эркиши – от, тиширыу – суу.
  • Чыкълы кюнде чыкъмагъан, чыкъса къуру кирмеген.
  • Ёлген эшек бёрюден къоркъмайды.
  • Ашарыкъда сайлагъаннга – чий гырджын.
  • Ауузу аманнга «иги», деме.
  • Чыбыкълыкъда бюгюлмеген, къазыкълыкъда бюгюлмей эди.
  • Aдам боллукъ, сыфатындан белгили.
  • Шайтан алдады, тюзлюк къаргъады.
  • Къатын къылыкъсыз, эр тынчлыкъсыз.
  • Къонакъ болсанг, ийнакъ бол.
  • Билими азны – ауузунда кирит.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Тюкюрюк баш джармаз, налат кёз чыгъармаз!
  • Тешигини къатында, чычхан да батыр болур.
  • Рысхы джалгъанды: келген да этер, кетген да этер.
  • Аджалсыз ёлюм болмаз.
  • Акъыл неден да кючлюдю.
  • Нарт сёз – тилни бети.
  • Байма, деб да, къууанма, джарлыма, деб да, джылама.
  • Тау башында, тау болмаз, джангыз терек, бау болмаз.
  • Къуллукъчума, деб махтанма, къуллукъ – хаух джамчыды!
  • Махтаннган къыз, тойда джукълар.
  • Къарт болгъан джерде, берекет болур, сабий болгъан джерде, оюн болур.
  • Джети тилни билген джети кишиди.
  • Къалгъан ишге къар джауар.
  • Билеги кючлю, бирни джыгъар, билими кючлю, мингни джыгъар.
  • Эки элинги тыйсанг, джети элде махталырса.
  • Кёз – сюйген джерде, къол – ауругъан джерде.
  • Сакъалы текени да бар, мыйыгъы киштикни да бар.
  • Экиндини кеч къылсанг, чабыб джетер ашхам.
  • Кийимни бичсенг, кенг бич, тар этген къыйын тюлдю.
  • Тил – миллетни джаны.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 1)

 

Написать нам