Войти на сайт
25 Июня  2026 года

 

  • Башы ишлегенни, ауузу да ишлер.
  • Эл элде бирер малынг болгъандан эсе, бирер тенгинг болсун.
  • Чакъырылмагъан къонакъ – орунсуз.
  • Тил бла келеди джыр да.
  • Хоншуну тауугъу къаз кёрюнюр, келини къыз кёрюнюр.
  • Бал ашаргъа сюе эсенг, чибин ургъаннга тёз.
  • Чыбыкълыкъда бюгюлмеген, къазыкълыкъда бюгюлмей эди.
  • Биреуню тёрюнден, кесинги эшик артынг игиди.
  • Сагъыш – къартлыкъгъа сюйюмчю.
  • Атлыны ашхысы, ат тизгининден билинир
  • Ургъан суудан башынгы сакъла.
  • Кечеси – аяз, кюню – къыш, джарлы къаргъагъа бир аш тюш!
  • Тёзгеннге, джабылгъан эшик ачылыр.
  • Аманны эки битли тону болур, бирин сеннге кийдирир, бирин кеси киер.
  • Къайгъыны сюйген, къайгъы табар.
  • Ачны эсинде – аш.
  • Джашынгы кесинг юретмесенг, джашау юретир.
  • Акъыллы эркиши атын махтар, акъылсыз эркиши къатынын махтар.
  • Этни бети бла шорпасы.
  • Адамгъа аман кюн соруб келмейди.
  • Джарлыны эшигин махтагъан джабар.
  • Арыгъан къош чамчы болур.
  • Адамны аманы адамны бети бла ойнар.
  • Бир абыннган – минг сюрюнюр.
  • Ишленмеген джаш – джюгенсиз ат, ишленмеген къыз – тузсуз хант.
  • Сакъламагъан затынга джолукъсанг, не бек къууанаса, не бек ачыйса.
  • Башланнган иш битер, къымылдагъан тиш тюшер.
  • Эртде тургъан джылкъычыны эркек аты тай табар.
  • Ауругъан – джашаудан умутчу.
  • Бек ашыкъгъан меннге джетсин, дегенди аракъы.
  • Ышармагъан – кюлмез, кюлмеген – къууанчны билмез.
  • Бичгенде ашыкъма, тикгенде ашыкъ.
  • Къарт бла баш аша, джаш бла аякъ аша.
  • Дуния малгъа сатылма, кесингден телиге къатылма.
  • Билеги кючлю, бирни джыгъар, билими кючлю, мингни джыгъар.
  • Ашха уста, юйюнде болсун
  • Ётюрюкню башын керти кесер.
  • Биреуге аманлыкъ этиб, кесинге игилик табмазса.
  • Тамырсыз терекге таянма – джыгъылырса.
  • Келгинчи, къонакъ уялыр, келгенден сора, къонакъбай уялыр.
  • Алма терегинден кери кетмез.
  • Мухардан ач ычхынмаз.
  • Мени джылытмагъан кюн, меннге тиймесин!
  • Джылкъыдан – ат чыгъар, тукъумдан – джаш чыгъар.
  • Тенги кёбню джау алмаз, акъылы кёбню дау алмаз.
  • Бермеген къол, алмайды.
  • Аман хансны – урлугъу кёб.
  • Арбаз къынгырды да, ийнек сауалмайма.
  • Эркишиге тары кебек танг кёрюнюр.
  • Халкъны юйю – туугъан джери.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 1)

 

Написать нам