Войти на сайт
25 Июня  2026 года

 

  • Эшекни не къадар тюйсенг да, ат болмаз.
  • Адам къыйынлыгъын кёлтюрюр, зауукълугъун кёлтюрмез.
  • Нарт сёз къарт болмаз.
  • Тил бла келеди джыр да.
  • Байны оноуу, джарлыгъа джарамаз.
  • Таш бла ургъанны, аш бла ур.
  • Суугъа – чабакъ, къаягъа – ыргъакъ.
  • Аман адам этегингден тутса, кес да къач.
  • Биреуню тёрюнден, кесинги эшик артынг игиди.
  • Адам сёзюнден белгили.
  • Ишлегенде эринме, ишде чолакъ кёрюнме.
  • Арба аугъандан сора, джол кёргюзтюучю кёб болур.
  • Сагъышы джокъ – джукъучу, акъылы джокъ – къаугъачы.
  • Чабакъсыз кёлге къармакъ салгъанлыкъгъа, чабакъ тутмазса.
  • Ашатыргъа иш – ашхы, ишлетирге аш – ашхы.
  • Этни да ашады, бетни да ашады.
  • Ач бёрюге мекям джокъ.
  • Дууулдаса – бал чибин, къонса – къара чибин.
  • Кёзню ачылгъаны – иги, ауузну джабылгъаны – иги.
  • Эркиши – от, тиширыу – суу.
  • Туз, гырджын аша, тюзлюк бла джаша.
  • Борчунг бар эсе, хурджунунга ойлаб узал.
  • Атлыны кёрсе, джаяуну буту талыр.
  • Элиб деген, элге болушур.
  • Хунаны тюбюн къазсанг, юсюнге ауар.
  • Джашлыкъ этмеген, башлыкъ этмез.
  • Мал ёлсе, сюек къалыр, адам ёлсе, иши къалыр.
  • Чакъырылгъанны аты, чакъырылмагъанны багъасы болур.
  • Ёмюрлюк шохлукъну джел элтмез.
  • Аурууну келиую тынч, кетиую – къыйын.
  • Кечеси – аяз, кюню – къыш, джарлы къаргъагъа бир аш тюш!
  • Ёгюзню мюйюзлери ауурлукъ этмейдиле.
  • Тюзлюк шохлукъну бегитир.
  • Сакъалы текени да бар, мыйыгъы киштикни да бар.
  • Киштикге къанат битсе, чыпчыкъ къалмаз эди.
  • Мухарны эси – ашарыкъда.
  • Тамбла алтындан бюгюн багъыр ашхы.
  • Тюзню ётмеги тюзде къалса да, тас болмаз.
  • Чыкълы кюнде чыкъмагъан, чыкъса къуру кирмеген.
  • Хар зат кесини орнуна иги.
  • Окъ къызбайны джокълайды.
  • Кюл тюбюндеги от кёрюнмейди.
  • Бети къызарыучу адамны, джюреги харам болмаз.
  • Тойгъан джерден туугъан джер игиди.
  • Ёлюк кебинсиз къалмаз.
  • Тойчу джашха къарама, къойчу джашха къара.
  • Тюзлюк тас болмайды.
  • Айран тёгюлсе, джугъусу къалыр.
  • Ётюрюк хапар аякъ тюбю бла джюрюйдю.
  • Билеги кючлю, бирни джыгъар, билими кючлю, мингни джыгъар.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 2)

 

Написать нам