Войти на сайт
25 Июня  2026 года

 

  • Суугъа – таянма, джаугъа – ийнанма.
  • Ургъан суудан башынгы сакъла.
  • Иги адамны бир сёзю эки болмаз.
  • Атадан ёксюз – бир ёксюз, анадан ёксюз – эки ёксюз.
  • Тыш элде солтан болгъандан эсе, кесинги элде олтан болгъан игиди!
  • Сютню башын джалагъан къутулур, тюбюн ичген тутулур.
  • Рысхы – сют юсюнде кёмюк кибикди.
  • Аджаллыгъа окъсуз шкок атылыр.
  • Кёзню ачылгъаны – иги, ауузну джабылгъаны – иги.
  • Башы джабылгъан челекге, кир тюшмез.
  • Тил – кесген бычакъ, сёз – атылгъан окъ.
  • Арбаз къынгырды да, ийнек сауалмайма.
  • Суу кетер, таш къалыр.
  • Билимден уллу байлыкъ джокъду.
  • Айныгъанлы алты кюн, тогъайгъанлы тогъуз кюн.
  • Аман адамны тепсинге олтуртсанг, къызынгы тилер.
  • Байма, деб да, къууанма, джарлыма, деб да, джылама.
  • Къарт айтханны этмеген, къартаймаз.
  • Къазанны башы ачыкъ болса, итге уят керекди.
  • Асхат ашлыкъ сата, юйдегиси ачдан къата.
  • Къонакъ болсанг, ийнакъ бол.
  • Хар сёзню орну барды.
  • Эртде тургъан бла эртде юйленнген сокъуранмаз.
  • Чакъырылмагъан къонакъ – орунсуз.
  • Бёрю да ач къалмасын, эчки да ашалмасын.
  • Айтылгъан сёз ызына къайтмаз.
  • Оюмсуз атлагъан, аджалсыз ёлюр.
  • Адам сёзге тынгыла, акъыл сёзню ангыла.
  • Аш берме да, къаш бер.
  • Ушамагъан – джукъмаз.
  • Огъурлуну сёзю – суу, огъурсузну сёзю – уу.
  • Айраннга суу къош, телиге джол бош.
  • Гугурук къычырмаса да, тангны атары къалмаз.
  • Тёрени джагъы джокъ.
  • Билимсиз иш бармаз.
  • Къатын къылыкъсыз, эр тынчлыкъсыз.
  • Босагъагъа джууукъ орун болса, ашыгъыб тёрге озма.
  • Джюрекге ариу – кёзге да ариу.
  • Джашлыкъ этмеген, башлыкъ этмез.
  • Эринчекге кюн узун.
  • Ауругъаннга – кийик саулукъ, джетген къызгъа – чилле джаулукъ.
  • Алгъанда – джууукъ, бергенде – джау.
  • Адамны сабийин сюйген джюреги, бычакъча, джитиди.
  • Тюзню ётмеги тюзде къалса да, тас болмаз.
  • Къарнынг тойгъунчу аша да, белинг талгъынчы ишле.
  • Ариу сёз джыланны орнундан чыгъарыр.
  • Ач къарным, тынч къулагъым.
  • Ашхы сёз таш тешер.
  • Эл ауузу – элия.
  • Адам туугъан джеринде, ит тойгъан джеринде.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 1)

 

Написать нам