Войти на сайт
25 Июня  2026 года

 

  • Билгенни къолу къарны джандырыр.
  • Джырчы джырчыгъа – къарнаш.
  • Акъыллы айтыр эди, акъылсыз къоймайды.
  • Баланы адам этген анады.
  • Башда акъыл болмаса, эки аякъгъа кюч джетер.
  • Ашатыргъа иш – ашхы, ишлетирге аш – ашхы.
  • Джылыгъа джылан илешир.
  • Хар зат кесини орнуна иги.
  • Къаллай салам берсенг, аллай джууаб алырса.
  • Айранны сюйген, ийнек тутар.
  • Айтылгъан буйрукъ, сёгюлмез
  • Мени джылытмагъан кюн, меннге тиймесин!
  • Аджашханны ызындагъы кёреди, джангылгъанны джанындагъы биледи.
  • Ким бла джюрюсенг, аны кёзю бла кёрюнюрсе.
  • Ойнаб айтсанг да, эслеб айт.
  • Эм уллу байлыкъ – джан саулукъ.
  • Сабийни джумушха джибер да, ызындан бар.
  • Къартны сыйын кёрмеген, къартлыгъында сыйлы болмаз.
  • Джерни букъусу кёкге къонмаз.
  • Тил бла келеди джыр да.
  • От этилмеген джерден тютюн чыкъмайды.
  • Акъыллы эркиши атын махтар, акъылсыз эркиши къатынын махтар.
  • Адебсиз адам – джюгенсиз ат.
  • Окъ къызбайны джокълайды.
  • Къонакъны къачан кетерин сорма, къачан келлигин сор.
  • Болджал ишни бёрю ашар.
  • Къайгъы тюбю – тенгиз.
  • Джарлы эскисин джамаса, къууаныр.
  • Юй ишлеген балта эшикде къалыр.
  • Оюмсуз атлагъан, аджалсыз ёлюр.
  • Уллу къашыкъ эрин джыртар.
  • Иги адам абынса да, джангылмаз.
  • Джуртун къоругъан озар.
  • Джюрек кёзден алгъа кёрюр.
  • Этни бети бла шорпасы.
  • Бастасын ашагъан, хантусун да ичер.
  • Эки итни арасына сюек атма, эки адамны арасында сёз чыгъарма.
  • Тенгни тенглиги джашай барсанг билинир.
  • Айраннга суу къош, телиге джол бош.
  • Къыз келсе, джумуш эте келеди, къатын келсе, ушакъ эте келеди.
  • Тёгюлген тюгел джыйылмайды.
  • Онгсузну – джакъла, тенгликни – сакъла.
  • Тойгъа алгъа да барма, тойда артха да къалма.
  • Сабий болмагъан джерде, мёлек болмаз.
  • Къарт айтханны этмеген, къартаймаз.
  • Къарнынг къанлынга кийирир.
  • Тойгъан джерге джети къайт.
  • Эки элинги тыйсанг, джети элде махталырса.
  • Иги адамны бир сёзю эки болмаз.
  • Эртде тургъан джылкъычыны эркек аты тай табар.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 6)

 

Написать нам