Войти на сайт
25 Июня  2026 года

 

  • Мал тутхан – май джалар.
  • Ётюрюкчюню шагъаты – къатында.
  • Эллинг бла джау болсанг да, юйюнг бла джау болма.
  • Уруну арты – къуру.
  • Айырылгъанланы айю ашар, бёлюннгенлени бёрю ашар.
  • Эшекни не къадар тюйсенг да, ат болмаз.
  • Босагъагъа джууукъ орун болса, ашыгъыб тёрге озма.
  • Тешигини къатында, чычхан да батыр болур.
  • Ариу сёз – къылычдан джити.
  • Арба аугъандан сора, джол кёргюзтюучю кёб болур.
  • Эртде тургъан бла эртде юйленнген сокъуранмаз.
  • Кийимни бичсенг, кенг бич, тар этген къыйын тюлдю.
  • Ауузу бла къуш тута айланады.
  • Айран тёгюлсе, джугъусу къалыр.
  • Кёб ант этген, кёб ётюрюк айтыр.
  • Окъугъан озар, окъумагъан тозар.
  • Ариу сёз аурууунгу алыр.
  • Аджашхан тёгерек айланыр.
  • Ата Джуртуму башы болмасам да, босагъасында ташы болайым.
  • Садакъачыны джаны – къапчыгъында.
  • Айыбны суу бла джууалмазса.
  • Ач къарным, тынч къулагъым.
  • Джарлыны тону джаз битер.
  • Адебни адебсизден юрен.
  • Баш – акъыл ючюн, акъылман – халкъ ючюн.
  • Къонакъ аз олтурур, кёб сынар.
  • Чомартны къолу берекет.
  • Айраннга суу къош, телиге джол бош.
  • Сакъалы текени да бар, мыйыгъы киштикни да бар.
  • Сескекли кесин билдирир.
  • Илму – джашауну джолу.
  • Керти сёзге тёре джокъ.
  • Джаханимни кёрмей, джандетге кёл салмазса.
  • Акъыллы эркиши атын махтар, акъылсыз эркиши къатынын махтар.
  • Айтылгъан сёз ызына къайтмаз.
  • Уллу атлама – абынырса, уллу къабма – къарылырса.
  • Ата – билек, ана – джюрек!
  • Баланы адам этген анады.
  • Экеу тутушса, биреу джыгъылыр.
  • Эркишини аманы тиширыуну джылатыр.
  • Ач отунчуну ачыуу – бурнунда.
  • Къартха ушагъан джаш – акъыллы, джашха ушагъан къарт – тели.
  • Тюзлюк шохлукъну бегитир.
  • Аман киши кеси юйюнде – къонакъ.
  • Къарнынг тойгъунчу аша да, белинг талгъынчы ишле.
  • Ёпкелегенни ашы татлы болады.
  • Халкъгъа джарагъан, джарлы къалмаз.
  • Онгсузну – джакъла, тенгликни – сакъла.
  • Тели турса – той бузар.
  • Ким бла джюрюсенг, аны кёзю бла кёрюнюрсе.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 2)

 

Написать нам