- Ач бёрюге мекям джокъ.
- Ауругъаннга – кийик саулукъ, джетген къызгъа – чилле джаулукъ.
- Джолунга кёре – джюрюшюнг, джагъанга кёре – юлюшюнг.
- Хунаны тюбюн къазсанг, юсюнге ауар.
- Биреуню къыйынлыгъы бла кесинге джол ишлеме.
- Адамны сабийин сюйген джюреги, бычакъча, джитиди.
- Аз сёлеш, кёб ишле.
- Къатыны харакетли болса, эри къымсыз болур.
- Юйюнг бла джау болгъандан эсе, элинг бла джау бол.
- Ашхы тенг джолгъа салыр, аман тенг джолдан тайдырыр.
- Башсыз урчукъ тюзюне айланмаз.
- Ариу сёз – къылычдан джити.
- Гитче джилтин уллу элни джандырыр.
- Байлыкъ келсе, акъыл кетер.
- Тёзген – тёш ашар!
- Уллу суу бла уллу ауруудан башынгы сакъла.
- Тин – байлыгъынг, терен саулугъунг.
- Тилчиден кери бол.
- Арба аугъандан сора, джол кёргюзтюучю кёб болур.
- Эли джокъну – кёлю джокъ.
- Биреу къой излей, биреу той излей.
- Эр абынмай, эл танымаз.
- Джуртун къоругъан озар.
- Келлик заман – къартлыкъ келтирир, кетген заман – джашлыкъ ёлтюрюр.
- Ачлыкъ отха секиртир.
- Къаллай салам берсенг, аллай джууаб алырса.
- Халкъны юйю – туугъан джери.
- Ат басханны джер билед.
- Aдам боллукъ, сыфатындан белгили.
- Кёкдеги болмаса, джердегин кёрмейди.
- Аманны тукъумуна къарама, игини тукъумун сорма.
- Тиширыусуз юй – отсуз от джагъа.
- Билим – акъылны чырагъы.
- Тёзгеннге, джабылгъан эшик ачылыр.
- Суу да къайтады чыкъгъан джерине.
- Ана – юйню кюн джарыгъы.
- Джерни букъусу кёкге къонмаз.
- Къар – келтирди, суу – элтди.
- Къыйынлы джети элге оноу этер.
- Ёзденликни кёбю ётюрюк.
- Къазанда болса, чолпугъа чыгъар.
- Кёз – сюйген джерде, къол – ауругъан джерде.
- Мураты болгъанны джюрек тебюую башхады.
- Эте билген, этген этеди, эте билмеген, юретген этеди!
- Джарлы эскисин джамаса, къууаныр.
- Намыс сатылыб алынмайды.
- Айтханы чапыракъдан ётмеген.
- Арыгъан къош чамчы болур.
- Эрине къаргъыш этген къатын, эрнин къабар.
- Аз сёлешген, къайгъысыз турур.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 2)