Войти на сайт
25 Июня  2026 года

 

  • Биреу ашаб къутулур, биреу джалаб тутулур.
  • Тил бла келеди джыр да.
  • Чоюнну башы ачыкъ болса, итге уят керекди.
  • Чыкълы кюнде чыкъмагъан, чыкъса къуру кирмеген.
  • Эринчекге кюн узун.
  • Къумурсхала джыйылсала, пилни да джыгъадыла.
  • Адамны джюреги нени кёрюрге сюйсе, кёзю да аны кёрюрге ёч болады.
  • Сабий кёргенин унутмаз.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Шекер бла туз – бир болмаз, ушамагъан – юй болмаз.
  • Юй ишлеген балта эшикде къалыр.
  • Рысхы – насыбха къор.
  • Билген билмегенни юретген адетди.
  • Нарт сёз – тилни бети.
  • Тёрдеги кюлсе, эшикдеги ышарыр.
  • Ана – юйню кюн джарыгъы.
  • Ач уят къоймаз.
  • Сабийликде юретмесенг, уллу болса – тюзелмез.
  • Аман киши кеси юйюнде – къонакъ.
  • Кёзден кетген, кёлден да кетеди.
  • Ашын ашагъанынгы, башын да сыйла.
  • Аджал соруб келмез, келсе, къайтыб кетмез.
  • Къолунгдан къуймакъ ашатсанг да, атаны борчундан къутулмазса.
  • Мураты болгъанны джюрек тебюую башхады.
  • Аджашхан тёгерек айланыр.
  • Алтыда кюлмеген, алтмышда кюлмез.
  • Орну джокъну – сыйы джокъ.
  • Кюл тюбюндеги от кёрюнмейди.
  • Ач келгенни – тойдур, кеч келгенни – къондур.
  • Айраннга суу къош, телиге джол бош.
  • Тёрде – темир таякълы, къаяда – чыпчыкъ аякълы.
  • Джерни букъусу кёкге къонмаз.
  • Къыз тиширыу кеси юйюнде да къонакъды.
  • Чёбню кёлтюрсенг, тюбюнден сёз чыгъар.
  • Джашны джигитлиги сорулур, къызны джигерлиги сорулур.
  • Гитче джилтин уллу элни джандырыр.
  • Акъыл сабырлыкъ берир.
  • Кийим тукъум сордурур.
  • Туз, гырджын аша, тюзлюк бла джаша.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Элиб деген, элге болушур.
  • Акъыллы башны – тили къысха.
  • Алгъанда – джууукъ, бергенде – джау.
  • Халкъны джырын джырласанг, халкъ санга эжиу этер.
  • Элни кючю – эмеген.
  • Акъыл аздырмаз, билим тоздурмаз.
  • Тенгни тенглиги джашай барсанг билинир.
  • Эртде тургъан бла эртде юйленнген сокъуранмаз.
  • Этни да ашады, бетни да ашады.
  • Къозулугъунда тоймагъан, къойлугъунда тоймаз.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 6)

 

Написать нам