Войти на сайт
25 Июня  2026 года

 

  • Ёлмесенг да, къарт дамы болмазса?
  • Урунуу – насыбны анасы.
  • Ёлюк кебинсиз къалмаз.
  • Ашыкъгъан cуу, тенгизге джетмез.
  • Ат басханны джер билед.
  • Байны оноуу, джарлыгъа джарамаз.
  • Байма, деб да, къууанма, джарлыма, деб да, джылама.
  • Адеб этмеген, адеб кёрмез.
  • Мал ёлсе, сюек къалыр, адам ёлсе, иши къалыр.
  • Къарнынг бла ёч алма.
  • Ёлюр джаннга, ёкюл джокъ.
  • Эллинг бла джау болсанг да, юйюнг бла джау болма.
  • Бёрю да ач къалмасын, эчки да ашалмасын.
  • Джарлы тюеге минсе да, ит къабар.
  • Сёз сёзню айтдырыр.
  • Бет бетге къараса, бет да джерге къарар.
  • Ашхы сёз таш тешер.
  • Ишлегенден, къарагъан уста.
  • Акъыллы – эл иеси, тели – эл баласы.
  • Хатерли къул болур.
  • Чомарт къонакъ юй иесин сыйлар.
  • Къумурсхала джыйылсала, пилни да джыгъадыла.
  • Телиге от эт десенг, юйюнге от салыр.
  • Айранны сюйген, ийнек тутар.
  • Тулпарлыкъ, билекден тюл – джюрекден.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Чомартха Тейри да борчлуду.
  • Биреуню къыйынлыгъы бла кесинге джол ишлеме.
  • Тойгъа алгъа да барма, тойда артха да къалма.
  • Ишленмеклик адамлыкъды.
  • Тилчи бир сагъатха айлыкъ хата этер.
  • Къонакъны къачан кетерин сорма, къачан келлигин сор.
  • Ашха уста, юйюнде болсун
  • Рысхы – насыбха къор.
  • Айран тёгюлсе, джугъусу къалыр.
  • Кесине оноу эте билмеген, халкъына да эте билмез.
  • Къанны къан бла джуума, аманны аман бла къуума.
  • Игиге айтсанг – билир, аманнга айтсанг – кюлюр.
  • Кёл – къызбай, къол – батыр.
  • Минг тенг да азды, бир джау да кёбдю.
  • Тилчи тилден къаныкъмаз.
  • Садакъачыны джаны – къапчыгъында.
  • Эркишини аманы тиширыуну джылатыр.
  • Узун джолну барсанг, бюгюн келирсе, къысха джолну барсанг, тамбла келирсе.
  • Адамны аты башхача, акъылы да башхады.
  • Тай асырагъан, атха минер.
  • Бети – къучакълар, джюреги – бычакълар.
  • Бал ашаргъа сюе эсенг, чибин ургъаннга тёз.
  • Ачлыкъда тары гырджын халыуадан татлы.
  • Чарсда алчыны эл кёреди.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 3)

 

Написать нам