Войти на сайт
25 Июня  2026 года

 

  • Ханы къызы буюгъа-буюгъа киштик болду.
  • Таукел адам тау тешер.
  • Ёлюк кебинсиз къалмаз.
  • Кюн – узун, ёмюр – къысха.
  • Ёмюрлюк шохлукъну джел элтмез.
  • Чалманны аллы къалай башланса, арты да алай барады.
  • Аякъларынгы джууургъанынга кёре узат.
  • Джуртун къоругъан озар.
  • Ауурну тюбю бла, дженгилни башы бла джюрюген.
  • Ханнга да келеди хариблик.
  • Аманнга да, игиге да оноусуз къатышма.
  • Тин – байлыгъынг, терен саулугъунг.
  • Джукъу тёшек сайламайды.
  • Кийим тукъум сордурур.
  • Чёбню кёлтюрсенг, тюбюнден сёз чыгъар.
  • Къолунгдан къуймакъ ашатсанг да, атаны борчундан къутулмазса.
  • Къумурсхала джыйылсала, пилни да джыгъадыла.
  • Ашыкъгъан cуу, тенгизге джетмез.
  • Ишленмеген джаш – джюгенсиз ат, ишленмеген къыз – тузсуз хант.
  • Эшекге миннген – биринчи айыб, андан джыгъылгъан – экинчи айыб.
  • Айтхан – тынч, этген – къыйын.
  • Намыс болмагъан джерде, насыб болмаз.
  • Билгенни къолу къарны джандырыр.
  • Ёксюзню къалачы уллу кёрюнюр.
  • Ата – билек, ана – джюрек!
  • Башы ишлегенни, ауузу да ишлер.
  • Ач уят къоймаз.
  • Ариу – кёзге, акъыл – джюрекге.
  • От этилмеген джерден тютюн чыкъмайды.
  • Кюлме джашха – келир башха.
  • Айтханы чапыракъдан ётмеген.
  • Тойгъа алгъа да барма, тойда артха да къалма.
  • Джумушакъ сёз къаты таякъны сындырыр.
  • Аурууну келиую тынч, кетиую – къыйын.
  • Ишге юренсин къоллары, халкъ бла болсун джоллары.
  • Акъыллы башны – тили къысха.
  • Къулакъдан эсе, кёзге ышан.
  • Къолу уллу – асыу, аягъы уллу – джарсыу.
  • Акъдан къара болмаз.
  • Аджаллыгъа окъсуз шкок атылыр.
  • Эки элинги тыйсанг, джети элде махталырса.
  • Ёпкелегенни ашы татлы болады.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Тау башында, тау болмаз, джангыз терек, бау болмаз.
  • Джарлы джети элни сёзюн этер.
  • Джарлыны эшигин махтагъан джабар.
  • Суу да къайтады чыкъгъан джерине.
  • Дженгил джетерикме деб, узун джолну къоюб, къысхасын барма.
  • Ким бла джюрюсенг, аны кёзю бла кёрюнюрсе.
  • Аман адамны тепсинге олтуртсанг, къызынгы тилер.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 2)

 

Написать нам