- Ашатыргъа иш – ашхы, ишлетирге аш – ашхы.
- Чомарт къонакъ юй иесин сыйлар.
- Аджашханны ызындагъы кёреди, джангылгъанны джанындагъы биледи.
- Элни кючю – эмеген.
- Ата Джуртун танымагъан, атасын да танымаз.
- Аууздан келген, къолдан келсе, ким да патчах болур эди.
- Бир онгсуз адам адет чыгъарды, деб эштирик тюлсе.
- Къызбайны юйюне дери сюрсенг, батыр болур.
- Кимни – тили, тиши онглу, кимни – къолу, иши онглу.
- Къолунгдан къуймакъ ашатсанг да, атаны борчундан къутулмазса.
- Къонакъ кёб келюучю юйню, къазаны отдан тюшмез.
- Ёлюр джаннга, ёкюл джокъ.
- Аманны къуугъан, аманлыкъ табар.
- Къуру гыбыт бек дыгъырдар.
- Кёкдеги болмаса, джердегин кёрмейди.
- Акъыл сабырлыкъ берир.
- Ойнай-ойнай кёз чыгъар.
- Адамны сыфатына къарама, сёзюне къара.
- Бек анасы джыламаз.
- Ашхылыкъ джерде джатмайды, аманлыкъ суугъа батмайды.
- Биреу къой излей, биреу той излей.
- Ат басханны джер билед.
- Джангыз терек къынгыр ёсер.
- Джарашыу сюйген – джалынчакъ.
- Окъдан джара эртде-кеч болса да бителир, сёз джара, ёмюрге къалыр.
- Артына баргъанны, къатына барма.
- Къумурсхала джыйылсала, пилни да джыгъадыла.
- Ашыкъгъан cуу, тенгизге джетмез.
- Ашхы тенг джолгъа салыр, аман тенг джолдан тайдырыр.
- Ашда – бёрю, ишде – ёлю.
- Халкъны джырын джырласанг, халкъ санга эжиу этер.
- Юреннген ауруу къалмаз.
- Элге къуллукъ этмеген, элге ие болмаз.
- Къонакъ болсанг, ийнакъ бол.
- Алтыда кюлмеген, алтмышда кюлмез.
- Юйюнгден чыкъдынг – кюнюнгден чыкъдынг.
- Агъач – джерни чырайы, кийим – эрни чырайы.
- Уясында не кёрсе, учханында аны этер.
- Айранны сюйген, ийнек тутар.
- Билим ат болуб да чабар, къуш болуб да учар.
- Нёгерсизни джолу узун.
- Ата Джуртча джер болмаз, туугъан элча эл болмаз.
- Къарны аманнга къазан такъдырма, къолу аманнга от джакъдырма.
- Ишин билген, аны сыйын чыгъарады.
- Акъыл бла адеб эгизледиле.
- Сабийни джумушха джибер да, ызындан бар.
- Аш берме да, къаш бер.
- Эрине къаргъыш этген къатын, эрнин къабар.
- Джыгъылгъанны сырты джерден тоймаз.
- Уллу айтханны этмеген – уллаймаз.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 6)