- Мен да «сен», дейме, сен да «кесим», дейсе.
- Башсыз урчукъ тюзюне айланмаз.
- Тойгъа алгъа да барма, тойда артха да къалма.
- Сабыр джетер муратха, сабырсыз къалыр уятха.
- Алтыда кюлмеген, алтмышда кюлмез.
- Ач бёрюге мекям джокъ.
- Тил бла келеди джыр да.
- Нарт сёз – тилни бети.
- Сескекли кесин билдирир.
- Адебни адебсизден юрен.
- Термилгенинги табмазса, кюлгенинге тюберсе.
- Эшекни не къадар тюйсенг да, ат болмаз.
- Ата джурт – алтын бешик.
- Кёб джат да, бек чаб.
- Джарлы джети элни сёзюн этер.
- Ётюрюкчюню шагъаты – къатында.
- Мал ёлсе, сюек къалыр, адам ёлсе, иши къалыр.
- Ашхы сёз таш тешер.
- Тил джюрекге джол ишлейди.
- Эркишини аманы тиширыуну джылатыр.
- Ишлегенде эринме, ишде чолакъ кёрюнме.
- Кёзден кетген, кёлден да кетеди.
- Тешигини къатында, чычхан да батыр болур.
- Хар сёзню орну барды.
- Эм уллу байлыкъ – джан саулукъ.
- Эл тойса, тоймагъан, эл къойса, къоймагъан.
- Башынга джетмегенни сорма.
- Дуния мал дунияда къалады.
- Адамны сыфатына къарама, сёзюне къара.
- Акъыллы эркиши атын махтар, акъылсыз эркиши къатынын махтар.
- Адам къаллай бир ишленмесе, аллай бир кесин уллу кёреди.
- Джюрекден джюрекге джол барды.
- Ашхы – джыяр, аман – джояр.
- Гугурук къычырмаса да, тангны атары къалмаз.
- Зар адам ашынгы ашар, кесинги сатар.
- Акъыллы айтыр эди, акъылсыз къоймайды.
- Эрине къаргъыш этген къатын, эрнин къабар.
- Къонагъы джокъну – шоху джокъ.
- Къонакъны къачан кетерин сорма, къачан келлигин сор.
- Сакъ юйюне сау барыр.
- Кеси юйюмде мен да ханма.
- Окъ къызбайны джокълайды.
- Ханы къызы буюгъа-буюгъа киштик болду.
- Агъач халкъгъа алтынды, иссиликге салкъынды.
- Сыфатында болмагъаны, суратында болмаз.
- Ушамагъан – джукъмаз.
- Юйлю уругъа ит чабмаз.
- Этни да ашады, бетни да ашады.
- Тыш элде солтан болгъандан эсе, кесинги элде олтан болгъан игиди!
- Хар ишни да аллы къыйынды.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 14)