- Акъыл неден да кючлюдю.
- Джарлы тюеге минсе да, ит къабар.
- Ариуну – ауруу кёб.
- Бозанг болмагъан джерге, къалагъынгы сукъма.
- Нафысынгы айтханын этме, намысынгы айтханын эт.
- Окъугъанны бети джарыкъ.
- Кёзню ачылгъаны – иги, ауузну джабылгъаны – иги.
- Чомартха хар кюн да байрамды.
- Ишлерге уял да, ашаргъа табма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къонакъны къачан кетерин сорма, къачан келлигин сор.
- Тойгъанлыкъ къойгъа джарашады.
- Къанны къан бла джуума, аманны аман бла къуума.
- Къалгъан ишге къар джауар.
- Тойгъа барсанг, тоюб бар, эски тонунгу къоюб бар.
- Айтхан – тынч, этген – къыйын.
- Мен да «сен», дейме, сен да «кесим», дейсе.
- Аманны тукъумуна къарама, игини тукъумун сорма.
- Ата джурт – алтын бешик.
- Рысхы – сют юсюнде кёмюк кибикди.
- Сёз сёзню айтдырыр.
- Кёбден умут этиб, аздан къуру къалма.
- Джюз элде джюз ёгюзюм болгъандан эсе, джюз джууугъум болсун.
- Байлыкъ тауусулур, билим тауусулмаз.
- Аллахдан тилесенг, кёб тиле.
- Кёл – къызбай, къол – батыр.
- Къарын къуру болса, джюрек уру болур.
- Ач – эснер, ат – кишнер.
- Къартны бурнун сюрт да, оноугъа тут.
- Эртде тургъан бла эртде юйленнген сокъуранмаз.
- Танг атмайма десе да, кюн къоярыкъ тюйюлдю.
- Акъылсызны джууукъгъа алма, акъыллыны кенгнге салма.
- Эте билген, этген этеди, эте билмеген, юретген этеди!
- Тамчы таш тешер.
- Аманнга алтын чыдамаз.
- Сёз къанатсыз учар.
- Джылкъыдан – ат чыгъар, тукъумдан – джаш чыгъар.
- Ауругъанны сау билмез, ач къарынны токъ билмез.
- Аман адам этегингден тутса, кес да къач.
- Босагъагъа джууукъ орун болса, ашыгъыб тёрге озма.
- Ёлген ийнек сютлю болур.
- Джол бла сёзню къыйыры джокъ.
- Сибиртки да сыйлы болду, кюрек да кюнлю болду.
- Тенгни тенглиги джашай барсанг билинир.
- Тик ёргени, тик энгишгеси да болады.
- От кюйдюрген, сау болса да, тот кюйдюрген, сау болмаз.
- Келинин тута билмеген, къул этер, къызын тута билмеген, тул этер.
- Таукел тауну аудурур.
- Адам къыйынлыгъын кёлтюрюр, зауукълугъун кёлтюрмез.
- Тёрде – темир таякълы, къаяда – чыпчыкъ аякълы.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 2)