- Кёб ант этген, кёб ётюрюк айтыр.
- Акъыл неден да кючлюдю.
- Айран тёгюлсе, джугъусу къалыр.
- Къонакъ аман болса, къонакъбай джунчур
- Айранны сюйген, ийнек тутар.
- Келинни – келгинчи, бёркню кийгинчи кёр.
- Тил – миллетни джаны.
- Ана къойну – балагъа джандет.
- Керти сёзге тёре джокъ.
- Ёксюзню къалачы уллу кёрюнюр.
- Ичимден чыкъды хата, къайры барайым сата?
- Къарнынг бла ёч алма.
- Тёрени джагъы джокъ.
- Къарнынг къанлынга кийирир.
- Бетинги сатма, малынгы сат.
- «Ёгюз, джаргъа джууукъ барма, меннге джюк боллукъса», - дегенди эшек.
- Аурууну келиую тынч, кетиую – къыйын.
- Айтханы чапыракъдан ётмеген.
- Билими азны – ауузунда кирит.
- Джуртун къоругъан озар.
- Ариу джол аджал келтирмез.
- Мен да «сен», дейме, сен да «кесим», дейсе.
- Танг атмайма десе да, кюн къоярыкъ тюйюлдю.
- Кёб къычыргъандан – къоркъма, тынч олтургъандан – къоркъ.
- Тёгюлген тюгел джыйылмайды.
- Кёл ашады да, кеси ашады.
- Атынг аманнга чыкъгъандан эсе, джанынг тамагъынгдан чыкъсын.
- Джигер – джаннга къыйынлыкъ.
- Адам боллукъ, атламындан белгили болур.
- Ачны эсинде – аш.
- Насыб бютеу халкъны юлюшюдю.
- Сакъалы текени да бар, мыйыгъы киштикни да бар.
- Ашда уялгъан – мухар, ишде уялгъан – хомух.
- Эркишини аманы тиширыуну джылатыр.
- Билмегенинги, билгеннге сор.
- Адам сёзге тынгыла, акъыл сёзню ангыла.
- Байлыкъ адамны сокъур этер.
- Къарыусузгъа кюлме, онгсузгъа тийме.
- Чабар ат – джетген къыз.
- Аманнга алтын чыдамаз.
- Къарнынг тойгъунчу аша да, белинг талгъынчы ишле.
- Къобан да къуру да къобханлай турмайды, адам да къуру да патчахлай турмайды.
- Хар адамгъа кеси миннген тау кибик.
- Къайгъыны сюйген, къайгъы табар.
- Эки элинги тыйсанг, джети элде махталырса.
- Джылыгъа джылан илешир.
- Акъыл аздырмаз, билим тоздурмаз.
- Таукел адам тау тешер.
- Тилчи тилден къаныкъмаз.
- Ишлегенде эринме, ишде чолакъ кёрюнме.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 4)