- Ашлыкъны арба юйге келтирир, чана базаргъа элтир.
- Аман къатын алгъан, арыр, иги къатын алгъан джарыр.
- Чоюнну башы ачыкъ болса, итге уят керекди.
- Урунуу – насыбны анасы.
- Булут кёкге джарашыу, уят бетге джарашыу.
- Юйлю уругъа ит чабмаз.
- Эркиши – от, тиширыу – суу.
- Ургъан суудан башынгы сакъла.
- Уясында не кёрсе, учханында аны этер.
- Сютню башын джалагъан къутулур, тюбюн ичген тутулур.
- Ашына кёре табагъы, балына кёре къалагъы.
- Иги адам абынса да, джангылмаз.
- Иги джашны ышаны – аз сёлешиб, кёб тынгылар.
- Баргъанынга кёре болур келгенинг.
- Уллу къазанда бишген эт, чий къалмаз.
- Адам боллукъ, атламындан белгили болур.
- Телиге акъыл салгъандан эсе, ёлгеннге джан салырса.
- Дуния малгъа сатылма, кесингден телиге къатылма.
- Экеу тутушса, биреу джыгъылыр.
- Арпа, будай – ащды, алтын, кюмюш а – ташды.
- Суу да къайтады чыкъгъан джерине.
- Этни да ашады, бетни да ашады.
- Рысхы – сют юсюнде кёмюк кибикди.
- Башы ишлегенни, ауузу да ишлер.
- Кёпюр салгъан кеси ётер, уру къазгъан кеси кетер.
- Ишин билген, аны сыйын чыгъарады.
- Адамны артындан къара сабан сюрме.
- Джахил болса анасы, не билликди баласы?
- Тилде сюек болмаса да, сюек сындырыр.
- Бек анасы джыламаз.
- Керти сёзге тёре джокъ.
- Баш – акъыл ючюн, акъылман – халкъ ючюн.
- Абынмазлыкъ аякъ джокъ, джангылмазлыкъ джаякъ джокъ.
- Къыз чыгъаргъан – къызыл къымжа.
- Къарыусузгъа кюлме, онгсузгъа тийме.
- Окъдан джара эртде-кеч болса да бителир, сёз джара, ёмюрге къалыр.
- Айран ичген – къутулду, джугъусун джалагъан – тутулду.
- Аман эсирсе, юйюн ояр.
- Акъдан къара болмаз.
- Чомартны къолун джокълукъ байлар.
- Ёксюзню тилеги къабыл болур.
- Ариу джол аджал келтирмез.
- Сабийликде юретмесенг, уллу болса – тюзелмез.
- Ауузу аманнга «иги», деме.
- Билимден уллу байлыкъ джокъду.
- Аурууну келиую тынч, кетиую – къыйын.
- Иги сеники эсе да, сюйген кесимикин этеме.
- Ана – юйню кюн джарыгъы.
- Шекер бла туз – бир болмаз, ушамагъан – юй болмаз.
- Ёзденликни джайгъан – джокълукъ.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 6)