- Башы джабылгъан челекге, кир тюшмез.
- Джылыгъа джылан илешир.
- Тёрени джагъы джокъ.
- Атлыны ашхысы, ат тизгининден билинир
- Зар адамны насыбы болмаз.
- Тойгъандан сора, ашны сёкме.
- Къарыусузгъа кюлме, онгсузгъа тийме.
- Джерни букъусу кёкге къонмаз.
- Къызбайны юйюне дери сюрсенг, батыр болур.
- Сабий болмагъан джерде, мёлек болмаз.
- Айырылгъанланы айю ашар, бёлюннгенлени бёрю ашар.
- Къонакъны къачан кетерин сорма, къачан келлигин сор.
- Ауузу бла къуш тута айланады.
- Эрни эр этерик да, къара джер этерик да, тиширыуду.
- Тёрдеги кюлсе, эшикдеги ышарыр.
- Къартны бурнун сюрт да, оноугъа тут.
- Джашны джигитлиги сорулур, къызны джигерлиги сорулур.
- Билим насыб берир, билим джолну керир.
- Адебни адебсизден юрен.
- Ана кёлю – балада, бала кёлю – талада.
- Уруну арты – къуру.
- Ач отунчуну ачыуу – бурнунда.
- Кёбге таш атма.
- Эринчекге кюн узун.
- Ётюрюкню башын керти кесер.
- Чабакъсыз кёлге къармакъ салгъанлыкъгъа, чабакъ тутмазса.
- От этилмеген джерден тютюн чыкъмайды.
- Таукел тауну аудурур.
- Ишлегенде эринме, ишде чолакъ кёрюнме.
- Окъдан джара эртде-кеч болса да бителир, сёз джара, ёмюрге къалыр.
- Сормай – алма, чакъырылмай – барма.
- Байлыкъ келсе, акъыл кетер.
- Къыз тиширыу кеси юйюнде да къонакъды.
- Кийим тукъум сордурур.
- Болджал ишни бёрю ашар.
- Этни да ашады, бетни да ашады.
- Тил джюрекге джол ишлейди.
- Аш берме да, къаш бер.
- Рысхы джалгъанды: келген да этер, кетген да этер.
- Адам къаллай бир ишленмесе, аллай бир кесин уллу кёреди.
- Адам туугъан джеринде, ит тойгъан джеринде.
- Джюрекге ариу – кёзге да ариу.
- Биреуге аманлыкъ этиб, кесинге игилик табмазса.
- Зар адам ашынгы ашар, кесинги сатар.
- Башланнган иш битер, къымылдагъан тиш тюшер.
- Тик ёргени, тик энгишгеси да болады.
- Кюл тюбюндеги от кёрюнмейди.
- Рысхысына кёре, джаш ёсер, къышлыгъына кёре, мал ёсер.
- Айырылмаз джууугъунга, унутмаз сёзню айтма.
- Тёзгеннге, джабылгъан эшик ачылыр.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)