- Шайтан алдады, тюзлюк къаргъады.
- Къанны къан бла джуума, аманны аман бла къуума.
- Гырджын – тепсини тамадасы.
- Ушамагъан – джукъмаз.
- Aдам боллукъ, сыфатындан белгили.
- Алма терегинден кери кетмез.
- Хунаны тюбюн къазсанг, юсюнге ауар.
- Эллинг бла джау болсанг да, юйюнг бла джау болма.
- Дженгил джетерикме деб, узун джолну къоюб, къысхасын барма.
- Джарлы эскисин джамаса, къууаныр.
- Баргъанынга кёре болур келгенинг.
- Хар адамгъа кеси миннген тау кибик.
- Билимден уллу байлыкъ джокъду.
- Айран тёгюлсе, джугъусу къалыр.
- Сормай – алма, чакъырылмай – барма.
- Акъыллы эркиши атын махтар, акъылсыз эркиши къатынын махтар.
- Джетген къыз джерли эшекни танымаз.
- Окъдан джара эртде-кеч болса да бителир, сёз джара, ёмюрге къалыр.
- Тюзню ётмеги тюзде къалса да, тас болмаз.
- Рысхысына кёре, джаш ёсер, къышлыгъына кёре, мал ёсер.
- Кёб джат да, бек чаб.
- Окъугъан – асыу, окъумагъан – джарсыу.
- Алгъанда – джууукъ, бергенде – джау.
- Кёпюр салгъан кеси ётер, уру къазгъан кеси кетер.
- Онгсузну – джакъла, тенгликни – сакъла.
- Элге къуллукъ этмеген, элге ие болмаз.
- Къызгъанчдан ычхыныр, мухардан ычхынмаз.
- Аманнга игилик этсенг, юйюнге сау бармазса.
- Юй кюйдю да, кюйюз чыкъды, ортасындан тюйюш чыкъды.
- Ётюрюкню къуйругъу – бир тутум.
- Алтыда кюлмеген, алтмышда кюлмез.
- Акъыл бла адеб эгизледиле.
- Тас болгъан бычакъны сабы – алтын.
- Бозаны арты дауур болур.
- Билген билмегенни юретген адетди.
- Кесинг сынамагъан затны, адамгъа буюрма.
- Эл ауузу – элия.
- Билгенни къолу къарны джандырыр.
- Тешик этген тынчды, аны джамагъан къыйынды.
- Ёлмесенг да, къарт дамы болмазса?
- Зарда марда джокъ.
- Ауузу аманнга «иги», деме.
- Уллу сёзде уят джокъ.
- Байма, деб да, къууанма, джарлыма, деб да, джылама.
- Рысхы – насыбха къор.
- Махтаннган къыз, тойда джукълар.
- Адам къаллай бир ишленмесе, аллай бир кесин уллу кёреди.
- Ана къолу ачытмаз.
- Билим ат болуб да чабар, къуш болуб да учар.
- Ауругъаннга – кийик саулукъ, джетген къызгъа – чилле джаулукъ.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)