- Къарын къуру болса, джюрек уру болур.
- Сормай – алма, чакъырылмай – барма.
- Ариу джол аджал келтирмез.
- Ариуну – ауруу кёб.
- Ашын ашагъанынгы, башын да сыйла.
- Атлыны ашхысы, ат тизгининден билинир
- Ишленмеклик адамлыкъды.
- Таукел къуру къалмаз.
- Адамны аты башхача, акъылы да башхады.
- Къонакъ хазыр болгъанлыкъгъа, къонакъбай хазыр тюлдю.
- Адам къыйынлыгъын кёлтюрюр, зауукълугъун кёлтюрмез.
- Кийим тукъум сордурур.
- Тил – миллетни джаны.
- Чабакъ башындан чирийди.
- Кёб къычыргъандан – къоркъма, тынч олтургъандан – къоркъ.
- Тойгъа алгъа да барма, тойда артха да къалма.
- Сабыр джетер муратха, сабырсыз къалыр уятха.
- Ётюрюкню башын керти кесер.
- Ашхы болсанг, атынг чыгъар, аман болсанг, джанынг чыгъар.
- Къумурсхала джыйылсала, пилни да джыгъадыла.
- Сёз сёзню айтдырыр.
- Къошда джокъгъа – юлюш джокъ.
- Рысхы – сют юсюнде кёмюк кибикди.
- Ашатыргъа иш – ашхы, ишлетирге аш – ашхы.
- Кёпюр салгъан кеси ётер, уру къазгъан кеси кетер.
- Аман къатын сабий табса, бий болур…
- Таш бла ургъанны, аш бла ур.
- Джаным-тиним – окъуу, билим.
- Башсыз урчукъ тюзюне айланмаз.
- Къатын къылыкъсыз, эр тынчлыкъсыз.
- Къонакъ аз олтурур, кёб сынар.
- Кюн – узун, ёмюр – къысха.
- Хазыр ашха – терен къашыкъ.
- Керти сёзге тёре джокъ.
- Джылар джаш, атасыны сакъалы бла ойнар.
- Шапа кёб болса, аш татымсыз болур.
- Джашынгы кесинг юретмесенг, джашау юретир.
- «Ёгюз, джаргъа джууукъ барма, меннге джюк боллукъса», - дегенди эшек.
- Бети – къучакълар, джюреги – бычакълар.
- Къууут – джелге, берне – бошха.
- Хатерли къул болур.
- Окъ къызбайны джокълайды.
- Сыфатында болмагъаны, суратында болмаз.
- Айтылгъан буйрукъ, сёгюлмез
- Айныгъанлы алты кюн, тогъайгъанлы тогъуз кюн.
- Аз сёлешген, къайгъысыз турур.
- Суу да къайтады чыкъгъан джерине.
- Сибиртки да сыйлы болду, кюрек да кюнлю болду.
- Джумушакъ терекни къурт ашар.
- Къартны бурнун сюрт да, оноугъа тут.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 14)