- Намысы болмагъанны, сыйы болмаз.
- Къонагъынгы артмагъын алма да, алгъышын ал.
- Башынга джетмегенни сорма.
- Бозанг болмагъан джерге, къалагъынгы сукъма.
- Этек чакъмакълары баш джаргъан, сёлешген сёзлери таш джаргъан.
- Адеб этмеген, адеб кёрмез.
- Ашын ашагъанынгы, башын да сыйла.
- Ойнай билмеген, оюн бузар.
- Билгенни къолу къарны джандырыр.
- Окъ къызбайны джокълайды.
- Намысы джокъну – дуниясы джокъ.
- Джюрекден джюрекге джол барды.
- Къонакъ болсанг, ийнакъ бол.
- Аз айтсам, кёб ангылагъыз.
- Дуния малгъа сатылма, кесингден телиге къатылма.
- Бек ашыкъгъан меннге джетсин, дегенди аракъы.
- Накъырда – кертини келечиси.
- Тойчу джашха къарама, къойчу джашха къара.
- Хар адамгъа кеси миннген тау кибик.
- Къонакъ хазыр болгъанлыкъгъа, къонакъбай хазыр тюлдю.
- Ушамагъан – джукъмаз.
- Байлыкъ болгъан джерде, тынчлыкъ джокъду.
- Байдан умут эте, джарлыдан ёгюз багъасы къорады.
- Къарт бла баш аша, джаш бла аякъ аша.
- Кенгеш болса, уруш болмаз.
- Чомарт къонакъ юй иесин сыйлар.
- Тай асырагъан, атха минер.
- Тиширыусуз юй – отсуз от джагъа.
- Къызбайны юйюне дери сюрсенг, батыр болур.
- Аманны тукъумуна къарама, игини тукъумун сорма.
- Акъылсызны джууукъгъа алма, акъыллыны кенгнге салма.
- Кёзден кетген, кёлден да кетеди.
- Джылыгъа джылан илешир.
- Рысхы – сют юсюнде кёмюк кибикди.
- Арыгъан къош чамчы болур.
- Таукел къуру къалмаз.
- Аманны къуугъан, аманлыкъ табар.
- Тойгъандан сора, ашны сёкме.
- Аууз сакълагъан – джан сакълар.
- Кёзюнде тереги болгъан, чёбю болгъаннга кюле эди.
- Окъумагъан сокъурду, сокъур ташха абыныр!
- Нарт сёз – тилни бети.
- Аманны эки битли тону болур, бирин сеннге кийдирир, бирин кеси киер.
- Тёгюлген тюгел джыйылмайды.
- Ата – баланы уясы.
- Кёб джат да, бек чаб.
- Аманнга игилик этсенг, юйюнге сау бармазса.
- Игиге айтсанг – билир, аманнга айтсанг – кюлюр.
- Кюл тюбюндеги от кёрюнмейди.
- Джарлыны эшигин махтагъан джабар.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)