- Аманнга да, игиге да оноусуз къатышма.
- Аман къатын сабий табса, бий болур…
- Айран ичген – къутулду, джугъусун джалагъан – тутулду.
- Борчунг бар эсе, хурджунунга ойлаб узал.
- Тулпарлыкъ, билекден тюл – джюрекден.
- Ётюрюкню башын керти кесер.
- Тюз сёз баргъан сууну тыяр.
- Атлыны ашхысы, ат тизгининден билинир
- Сютню башын джалагъан къутулур, тюбюн ичген тутулур.
- Башда акъыл болмаса, эки аякъгъа кюч джетер.
- Таукел къуру къалмаз.
- Тамчы таш тешер.
- Гырджын – тепсини тамадасы.
- Туз, гырджын аша, тюзлюк бла джаша.
- Адам къыйынлыгъын кёлтюрюр, зауукълугъун кёлтюрмез.
- Болджал ишни бёрю ашар.
- От кюйдюрген, сау болса да, тот кюйдюрген, сау болмаз.
- Бёрю да ач къалмасын, эчки да ашалмасын.
- Ариу сёз – джаннга азыкъ, аман сёз – башха къазыкъ.
- Ата джурт – алтын бешик.
- Байлыкъ тауусулур, билим тауусулмаз.
- Кёл – къызбай, къол – батыр.
- Ашын ашагъанынгы, башын да сыйла.
- Биреуню эскиси биреуге джангы болмайды.
- Акъыл аздырмаз, билим тоздурмаз.
- Ишлерге уял да, ашаргъа табма.
- Ёгюзню мюйюзлери ауурлукъ этмейдиле.
- Айраннга суу къош, телиге джол бош.
- Сибиртки да сыйлы болду, кюрек да кюнлю болду.
- Чомарт къонакъ юй иесин сыйлар.
- Арбаз сайлама да, хоншу сайла.
- Эл элде бирер малынг болгъандан эсе, бирер тенгинг болсун.
- Бозанг болмагъан джерге, къалагъынгы сукъма.
- Таукел тауну аудурур.
- Аууз сакълагъан – джан сакълар.
- Къарнынг ауруса, ауузунгу тый
- Кёл ашады да, кеси ашады.
- Ачлыкъда тары гырджын халыуадан татлы.
- Адеби болмагъан къыз – тузсуз хант.
- «Ма», - дегенни билмесенг, «бер», - дегенни билмезсе.
- Тилде сюек болмаса да, сюек сындырыр.
- Сабий кёргенин унутмаз.
- Дженгил джетерикме деб, узун джолну къоюб, къысхасын барма.
- Ашхы болсанг, атынг чыгъар, аман болсанг, джанынг чыгъар.
- Айырылгъанланы айю ашар, бёлюннгенлени бёрю ашар.
- Татлы тилде – сёз ариу, чемер къолда – иш ариу.
- Алтыннга тот къонмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кесине гебен этелмеген, биреуге черен эте эди.
- Иесиз малны бёрю ашар.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 4)