- Ойнай билмеген, уруб къачар.
- Кийим тукъум сордурур.
- Къыйынлы джети элни къайгъысын этер.
- Ётюрюкню къуйругъу – бир тутум.
- Айтханы чапыракъдан ётмеген.
- Онгсузну – джакъла, тенгликни – сакъла.
- Тамчы таш тешер.
- Накъырда – кертини келечиси.
- Азыкълы ат арымаз, къатыны аман джарымаз.
- Бир онгсуз адам адет чыгъарды, деб эштирик тюлсе.
- Байлыкъдан саулукъ ашхыды.
- Ашаса, ашамаса да, бёрюню ауузу – къан.
- Олтуруб кёрюнмей эди да, ёрге туруб кёрюне эди.
- Билмегенинги, билгеннге сор.
- Джаным-тиним – окъуу, билим.
- Чомартха Тейри да борчлуду.
- Арба аугъандан сора, джол кёргюзтюучю кёб болур.
- Хазыр ашха – терен къашыкъ.
- Баш болса, бёрк табылыр.
- Чакъырылмагъан къонакъ къачан кетерин сормаз.
- Юйюнг бла джау болгъандан эсе, элинг бла джау бол.
- Сёлеш деб шай берген, тохта деб, сом берген.
- Насыблы элин сюер, насыбсыз кесин сюер.
- Кёпюр салгъан кеси ётер, уру къазгъан кеси кетер.
- Джангыз терек къынгыр ёсер.
- Аш иеси бла татлыды.
- Акъыллы эркиши атын махтар, акъылсыз эркиши къатынын махтар.
- Ата Джуртун танымагъан, атасын да танымаз.
- Джырчы джырчыгъа – къарнаш.
- Аманны эки битли тону болур, бирин сеннге кийдирир, бирин кеси киер.
- Къыйынлы джети элге оноу этер.
- Хунаны тюбюн къазсанг, юсюнге ауар.
- Къызбайны юйюне дери сюрсенг, батыр болур.
- Юй кюйдю да, кюйюз чыкъды, ортасындан тюйюш чыкъды.
- Ариу сёз – джаннга азыкъ, аман сёз – башха къазыкъ.
- Къатын къылыкъсыз, эр тынчлыкъсыз.
- Къулакъдан эсе, кёзге ышан.
- Бастасын ашагъан, хантусун да ичер.
- Зар адам ашынгы ашар, кесинги сатар.
- Тил – миллетни джаны.
- Джети тилни билген джети кишиди.
- Узун джолну барсанг, бюгюн келирсе, къысха джолну барсанг, тамбла келирсе.
- Къая джолда джортма, ачыкъ сёзден къоркъма.
- Билими азны – ауузунда кирит.
- Aдам боллукъ, сыфатындан белгили.
- Тынгылагъан тынгы бузар.
- Ач отунчуну ачыуу – бурнунда.
- Джаш болсун, къыз болсун, акъылы, саны тюз болсун.
- Ишлегенде эринме, ишде чолакъ кёрюнме.
- Ханы къызы буюгъа-буюгъа киштик болду.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)