- Игилик игилик бла сингдирилиучю затды.
- Ёгюзню мюйюзюнден тутадыла, адамны сёзюнден тутадыла.
- Ариу сёз – джаннга азыкъ, аман сёз – башха къазыкъ.
- Адам къаллай бир ишленмесе, аллай бир кесин уллу кёреди.
- Арбаз сайлама да, хоншу сайла.
- Тынгылагъан тынгы бузар.
- Ётюрюкню къуйругъу – бир тутум.
- Эшекни не къадар тюйсенг да, ат болмаз.
- Илму – джашауну джолу.
- Бичгенде ашыкъма, тикгенде ашыкъ.
- Терек ауса, отунчу – кёб.
- Хаухну атма, ёнгкючню сатма.
- Къонакъ болсанг, ийнакъ бол.
- Аурууну келиую тынч, кетиую – къыйын.
- Бал чибинни ургъаны – ачы, балы – татлы.
- Къар – келтирди, суу – элтди.
- Этни да ашады, бетни да ашады.
- Миллетни бойну – базыкъ, аны бла кюрешген – джазыкъ.
- Аз айтсам, кёб ангылагъыз.
- Хансыз джомакъ болмаз.
- Акъыл бла адеб эгизледиле.
- Ашхы – джыяр, аман – джояр.
- Биреу ашаб къутулур, биреу джалаб тутулур.
- Атлыны ашхысы, ат тизгининден билинир
- Къобан да къуру да къобханлай турмайды, адам да къуру да патчахлай турмайды.
- Джашда акъыл джокъ, къартда къарыу джокъ.
- Ёксюзню тилеги къабыл болур.
- Адеб базарда сатылмаз.
- Киштикге къанат битсе, чыпчыкъ къалмаз эди.
- Тенгинг джокъ эсе – изле, бар эсе – сакъла!
- Орундукъ тюбюнде атылсам да, орта джиликме, де да айлан.
- Кийиминг бла танылма, адамлыкъ бла таныл.
- Тиширыусуз юй – отсуз от джагъа.
- Мухар, кеси тойса да, кёзю тоймаз.
- Ашда уялгъан – мухар, ишде уялгъан – хомух.
- Тенги кёбню джау алмаз, акъылы кёбню дау алмаз.
- Ким бла джюрюсенг, аны кёзю бла кёрюнюрсе.
- Кёб ант этген, кёб ётюрюк айтыр.
- Тилде сюек болмаса да, сюек сындырыр.
- Халкъны джырын джырласанг, халкъ санга эжиу этер.
- Артына баргъанны, къатына барма.
- Джаным-тиним – окъуу, билим.
- Телини эшигин, махтау джабар.
- Эл тойса, тоймагъан, эл къойса, къоймагъан.
- Экиндини кеч къылсанг, чабыб джетер ашхам.
- Чакъырылмагъан джерге барма, чакъырылгъан джерден къалма.
- Махтаннган къыз, тойда джукълар.
- Тенгни тенглиги джашай барсанг билинир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёзденликни джайгъан – джокълукъ.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)