- Къыйынлы джети элни къайгъысын этер.
- Кёкдеги болмаса, джердегин кёрмейди.
- Джол бла сёзню къыйыры джокъ.
- Аман къатын алгъан, арыр, иги къатын алгъан джарыр.
- Мухардан ач ычхынмаз.
- Ана къолу ачытмаз.
- Ишлегенден, къарагъан уста.
- Адам къыйынлыгъын кёлтюрюр, зауукълугъун кёлтюрмез.
- Юйюнгден чыкъдынг – кюнюнгден чыкъдынг.
- Дуния малгъа сатылма, кесингден телиге къатылма.
- Адамны аты башхача, акъылы да башхады.
- Окъумагъан сокъурду, сокъур ташха абыныр!
- Сагъыш – къартлыкъгъа сюйюмчю.
- Кёб джашагъан – кёб билир.
- Къаллай салам берсенг, аллай джууаб алырса.
- Ишге юренсин къоллары, халкъ бла болсун джоллары.
- Башы ишлегенни, ауузу да ишлер.
- Атлыны кёрсе, джаяуну буту талыр.
- Чакъырылгъанны аты, чакъырылмагъанны багъасы болур.
- Башланнган иш битер, къымылдагъан тиш тюшер.
- Ариу сёз аурууунгу алыр.
- Адебсиз адам – джюгенсиз ат.
- Къонакъ болсанг, ийнакъ бол.
- Ашхылыкъ джерде джатмайды, аманлыкъ суугъа батмайды.
- Суугъа – чабакъ, къаягъа – ыргъакъ.
- Мал ёлсе, сюек къалыр, адам ёлсе, иши къалыр.
- Джашда акъыл джокъ, къартда къарыу джокъ.
- Мухарны эси – ашарыкъда.
- Къайгъы тюбю – тенгиз.
- Суугъа – таянма, джаугъа – ийнанма.
- Джашны джигитлиги сорулур, къызны джигерлиги сорулур.
- Къобан да къуру да къобханлай турмайды, адам да къуру да патчахлай турмайды.
- Иесиз малны бёрю ашар.
- Сууда джау джокъ, кёб сёзде магъана джокъ.
- Телини эшигин, махтау джабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кеси юйюмде мен да ханма.
- Джюрекге ариу – кёзге да ариу.
- Билим – акъылны чырагъы.
- Адам къаллай бир ишленмесе, аллай бир кесин уллу кёреди.
- Байма, деб да, къууанма, джарлыма, деб да, джылама.
- Байдан умут эте, джарлыдан ёгюз багъасы къорады.
- Тили узунну, намысы – къысха.
- Сёз – кюмюш, джыр – алтын.
- Суу кетер, таш къалыр.
- Бозаны арты дауур болур.
- Аман къатын сабий табса, бий болур…
- Ариуну – ауруу кёб.
- Таукел адам тау тешер.
- Ат басханны джер билед.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 8)