- Тилсиз миллет джокъ болур.
- Джаз бир кюнню джатсанг, къыш талай кюнню абынырса.
- Адамны артындан къара сабан сюрме.
- Ана къойну – балагъа джандет.
- Къуру гыбыт бек дыгъырдар.
- Уллу къазанда бишген эт, чий къалмаз.
- Къатын къылыкъсыз, эр тынчлыкъсыз.
- Джашлыкъ этмеген, башлыкъ этмез.
- Акъыллы – эл иеси, тели – эл баласы.
- Ишлемеген – тишлемез.
- Къарнынг тойгъунчу аша да, белинг талгъынчы ишле.
- Бастасын ашагъан, хантусун да ичер.
- Байлыкъ адамны сокъур этер.
- Аман хансны – урлугъу кёб.
- Адамны аты башхача, акъылы да башхады.
- Къуллукъчума, деб махтанма, къуллукъ – хаух джамчыды!
- Таш бла ургъанны, аш бла ур.
- Аллахдан тилесенг, кёб тиле.
- Экеу тутушса, биреу джыгъылыр.
- Ашхы болсанг, атынг чыгъар, аман болсанг, джанынг чыгъар.
- Ана – юйню кюн джарыгъы.
- Тилчиден кери бол.
- Аз сёлешген, къайгъысыз турур.
- Ариуну – ауруу кёб.
- Ашхы атаны – джашы ашхы, ашхы ананы – къызы ашхы.
- Ёксюзню тилеги къабыл болур.
- Бёрю да ач къалмасын, эчки да ашалмасын.
- Биреуню тёрюнден, кесинги эшик артынг игиди.
- Айтханы чапыракъдан ётмеген.
- Ач уят къоймаз.
- Ашхы сёз таш тешер.
- Акъыллы эркиши атын махтар, акъылсыз эркиши къатынын махтар.
- Эки ойлашыб, бир сёлешген.
- Ашатыргъа иш – ашхы, ишлетирге аш – ашхы.
- Къошда джокъгъа – юлюш джокъ.
- Окъугъан – асыу, окъумагъан – джарсыу.
- Тенгни тенглиги джашай барсанг билинир.
- Тамчы таш тешер.
- Ашхы адам – халкъ байлыгъы, ашхы джер – джашау байлыгъы.
- Кюл тюбюндеги от кёрюнмейди.
- Джылыгъа джылан илешир.
- Ичимден чыкъды хата, къайры барайым сата?
- Акъыл аздырмаз, билим тоздурмаз.
- Ашын ашагъанынгы, башын да сыйла.
- Башсыз урчукъ тюзюне айланмаз.
- Арбаз сайлама да, хоншу сайла.
- Къайгъыны сюйген, къайгъы табар.
- Намыс сатылыб алынмайды.
- Тюзню ётмеги тюзде къалса да, тас болмаз.
- Тешигини къатында, чычхан да батыр болур.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)