- Берекет берсин деген джерде, берекет болур.
- Итли къонакъ джарашмаз.
- Туз, гырджын аша, тюзлюк бла джаша.
- Чакъырылмай келген къонакъ сыйланмай кетер.
- Кийимни бичсенг, кенг бич, тар этген къыйын тюлдю.
- Ашыкъгъанны этеги бутуна чырмалыр.
- Булут кёкге джарашыу, уят бетге джарашыу.
- Юйюнгден чыкъдынг – кюнюнгден чыкъдынг.
- Ётген ёмюр – акъгъан суу.
- Бир абыннган – минг сюрюнюр.
- Акъыл къартда, джашда тюйюлдю – башдады.
- Минг тенг да азды, бир джау да кёбдю.
- Гырджын – тепсини тамадасы.
- Харам къарнашдан, халал тенг ашхы.
- Экеу тутушса, биреу джыгъылыр.
- Ойнай билмеген, оюн бузар.
- Къызгъанчдан ычхыныр, мухардан ычхынмаз.
- Игилик игилик бла сингдирилиучю затды.
- Адамны аты башхача, акъылы да башхады.
- Малны кют, джерни тюрт.
- Аджашханны ызындагъы кёреди, джангылгъанны джанындагъы биледи.
- Джахил болса анасы, не билликди баласы?
- Телини эшигин, махтау джабар.
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ата Джуртча джер болмаз, туугъан элча эл болмаз.
- Зар адам ашынгы ашар, кесинги сатар.
- Къатын байлыкъны сюер, эр саулукъну сюер.
- Кийим тукъум сордурур.
- Ариу сёз джыланны орнундан чыгъарыр.
- Гугук кесини атын айтыб къычыргъанча, мен, мен деб нек тураса?
- Тешигини къатында, чычхан да батыр болур.
- Кёлю джокъну – джолу джокъ.
- Джаш болсун, къыз болсун, акъылы, саны тюз болсун.
- Кесинг сынамагъан затны, адамгъа буюрма.
- Эте билген, этген этеди, эте билмеген, юретген этеди!
- Аш берме да, къаш бер.
- Билим къая тешер.
- Адам сёзюнден белгили.
- Башынга джетмегенни сорма.
- Элде адам къалмаса, ит тахтагъа минер.
- Тюкюрюк баш джармаз, налат кёз чыгъармаз!
- Ётюрюкден тюбю джокъ, кёлтюрюрге джиби джокъ.
- Кёзню ачылгъаны – иги, ауузну джабылгъаны – иги.
- Махтаннган къыз, тойда джукълар.
- Адам туугъан джеринде, ит тойгъан джеринде.
- Аманны эки битли тону болур, бирин сеннге кийдирир, бирин кеси киер.
- Керек ташны ауурлугъу джокъ.
- Ата – баланы уясы.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 6)