- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ач къалгъандан, кеч къалгъан къолай.
- Сабий кёргенин унутмаз.
- Ат басханны джер билед.
- Тёгюлген тюгел джыйылмайды.
- Джигер – джаннга къыйынлыкъ.
- Хаухну атма, ёнгкючню сатма.
- Татлы тилде – сёз ариу, чемер къолда – иш ариу.
- Мен да «сен», дейме, сен да «кесим», дейсе.
- Дуния малгъа сатылма, кесингден телиге къатылма.
- Уллу къазанда бишген эт, чий къалмаз.
- Ашхы сёз таш тешер.
- Ариу сёзде ауруу джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къуру гыбыт бек дыгъырдар.
- Эринчекни аурууу – кёб.
- Эркишиге тары кебек танг кёрюнюр.
- Минг тенг да азды, бир джау да кёбдю.
- Аджашхан тёгерек айланыр.
- Джогъун бар этген, барын бал этген.
- Тели турса – той бузар.
- Юйюнг бла джау болгъандан эсе, элинг бла джау бол.
- Олтуруб кёрюнмей эди да, ёрге туруб кёрюне эди.
- Кёбден умут этиб, аздан къуру къалма.
- Джыйырма къойну юч джыйырма эбзе кюте эди.
- Айтылгъан буйрукъ, сёгюлмез
- Аз сёлешген, къайгъысыз турур.
- Эркишини аманы тиширыуну джылатыр.
- Бет бетге къараса, бет да джерге къарар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айтхан – тынч, этген – къыйын.
- Аллахха ийнаннган кишини, Аллах онгдурур ишин.
- Халкъны юйю – туугъан джери.
- Ханы къызы буюгъа-буюгъа киштик болду.
- Биреуню къыйынлыгъы бла кесинге джол ишлеме.
- Эл тойса, тоймагъан, эл къойса, къоймагъан.
- Ишин билген, аны сыйын чыгъарады.
- Билимли ёлмез, билимсиз кёрмез.
- Зар адамны насыбы болмаз.
- Сёз къанатсыз учар.
- Ишленмеген джаш – джюгенсиз ат, ишленмеген къыз – тузсуз хант.
- Бал ашаргъа сюе эсенг, чибин ургъаннга тёз.
- Уллу суу бла уллу ауруудан башынгы сакъла.
- Чомарт джарлы болмаз.
- Ат да турмайды бир териде.
- Эллинг бла джау болсанг да, юйюнг бла джау болма.
- Уллу сёзде уят джокъ.
- Ариу сёз джыланны орнундан чыгъарыр.
- Тойгъа барсанг, тоюб бар, эски тонунгу къоюб бар.
- Ач бёрюге мекям джокъ.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)