- Эки элинги тыйсанг, джети элде махталырса.
- Айран тёгюлсе, джугъусу къалыр.
- Эрни эр этерик да, къара джер этерик да, тиширыуду.
- Къошда джокъгъа – юлюш джокъ.
- Джашынгы кесинг юретмесенг, джашау юретир.
- Бозаны арты дауур болур.
- Ата – баланы уясы.
- Къонакъны къачан кетерин сорма, къачан келлигин сор.
- Ишленмеген джаш – джюгенсиз ат, ишленмеген къыз – тузсуз хант.
- Чарсда алчыны эл кёреди.
- Сабий кёргенин унутмаз.
- Иги сёз – джаннга азыкъ, аман сёз башха – къазыкъ.
- Мухар, кеси тойса да, кёзю тоймаз.
- Сёз садакъдан кючлюдю.
- Кирсизни – саны таза, халалны – къаны таза.
- Магъанасыз сёз – тауушсуз сыбызгъы.
- Абынмазлыкъ аякъ джокъ, джангылмазлыкъ джаякъ джокъ.
- Чёбню кёлтюрсенг, тюбюнден сёз чыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашыкъгъан cуу, тенгизге джетмез.
- Акъдан къара болмаз.
- Джангыз торгъай джырламаз.
- Къайтырыкъ эшигинги, къаты уруб чыкъма.
- Тюзлюк тас болмайды.
- Ана – юйню кюн джарыгъы.
- Тешигини къатында, чычхан да батыр болур.
- Къуру гыбыт бек дыгъырдар.
- Экеулен сёлеше тура эселе, орталарына барыб кирме.
- Аман киши кеси юйюнде – къонакъ.
- Аман адамны тепсинге олтуртсанг, къызынгы тилер.
- Аллахха ийнаннган кишини, Аллах онгдурур ишин.
- Джыланны къуйругъундан басарынг келсе, аны башы болгъанын унутма.
- Бек анасы джыламаз.
- Илму – джашауну джолу.
- Адамны аманы адамны бети бла ойнар.
- Алим болгъандан эсе, адам болгъан къыйынды.
- Акъыллы башны – тили къысха.
- Джюрек кёзден алгъа кёрюр.
- Сабий болмагъан джерде, мёлек болмаз.
- Аз айтсам, кёб ангылагъыз.
- Аман адам этегингден тутса, кес да къач.
- Намысы болмагъанны, сыйы болмаз.
- Къулакъдан эсе, кёзге ышан.
- Ариу сёз аурууунгу алыр.
- Аллахдан тилесенг, кёб тиле.
- Шайтан алдады, тюзлюк къаргъады.
- Юйюнгден чыкъдынг – кюнюнгден чыкъдынг.
- Иги сеники эсе да, сюйген кесимикин этеме.
- Арба аугъандан сора, джол кёргюзтюучю кёб болур.
- Айранны сюйген, ийнек тутар.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)