- Рысхысына кёре, джаш ёсер, къышлыгъына кёре, мал ёсер.
- Этни бети бла шорпасы.
- Адамгъа аман кюн соруб келмейди.
- Орну джокъну – сыйы джокъ.
- Бети – къучакълар, джюреги – бычакълар.
- Джарлыны эшигин махтагъан джабар.
- Окъуу – билимни ачхычы, окъуу – дунияны бачхычы.
- Эки элинги тыйсанг, джети элде махталырса.
- Ёлюк кебинсиз къалмаз.
- Сёз садакъдан кючлюдю.
- Тёрени джагъы джокъ.
- Сыфатында болмагъаны, суратында болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Огъурлуну сёзю – суу, огъурсузну сёзю – уу.
- Акъыл сабырлыкъ берир.
- Ата Джуртун танымагъан, атасын да танымаз.
- Ач, тоймам, дейди, тойгъан, ач болмам, дейди.
- Акъыл къартда, джашда тюйюлдю – башдады.
- Таукел тауну аудурур.
- Ауурну тюбю бла, дженгилни башы бла джюрюген.
- Чабакъсыз кёлге къармакъ салгъанлыкъгъа, чабакъ тутмазса.
- Башсыз урчукъ тюзюне айланмаз.
- Ата – баланы уясы.
- Аман адамны тепсинге олтуртсанг, къызынгы тилер.
- Къызгъанчдан ычхыныр, мухардан ычхынмаз.
- Тешик этген тынчды, аны джамагъан къыйынды.
- Садакъачыны джаны – къапчыгъында.
- Кёкдеги болмаса, джердегин кёрмейди.
- Биреуге аманлыкъ этиб, кесинге игилик табмазса.
- Ургъан суудан башынгы сакъла.
- Эркиши – от, тиширыу – суу.
- Борчунг бар эсе, хурджунунга ойлаб узал.
- Нарт сёз къарт болмаз.
- Уллу суу бла уллу ауруудан башынгы сакъла.
- Этим кетсе да, сюегим къалыр.
- Ишни аллы бла къууанма да, арты бла къууан.
- Чыкълы кюнде чыкъмагъан, чыкъса къуру кирмеген.
- Тилсиз миллет джокъ болур.
- Адам боллукъ, атламындан белгили болур.
- Къарын къуру болса, джюрек уру болур.
- Билген билмегенни юретген адетди.
- Тамчы таш тешер.
- Дженгил джетерикме деб, узун джолну къоюб, къысхасын барма.
- Юйюнг бла джау болгъандан эсе, элинг бла джау бол.
- Накъырданы арты керти болур.
- Иги сеники эсе да, сюйген кесимикин этеме.
- Тойгъа барсанг, тоюб бар, эски тонунгу къоюб бар.
- Къарнынг къанлынга кийирир.
- Адеби болмагъан къыз – тузсуз хант.
- Телиге от эт десенг, юйюнге от салыр.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)