- Къарнынг къанлынга кийирир.
- Тынгылагъан тынгы бузар.
- Ана къойну – балагъа джандет.
- Чоюнну башы ачыкъ болса, итге уят керекди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Билмезни кёзю кёрмез, этмезни къулагъы эшитмез.
- Чакъырылмагъан джерге барма, чакъырылгъан джерден къалма.
- Джылыгъа джылан илешир.
- Ёлюр джаннга, ёкюл джокъ.
- Борчунг бар эсе, хурджунунга ойлаб узал.
- Бёрю да ач къалмасын, эчки да ашалмасын.
- Къызгъанчдан ычхыныр, мухардан ычхынмаз.
- Джарлы тюеге минсе да, ит къабар.
- Ойнай билмеген, оюн бузар.
- Къоркъакъны кёзю экили кёрюр.
- Эринчекге кюн узун.
- Къарнынг ауруса, ауузунгу тый
- Ариу джол аджал келтирмез.
- Накъырданы арты керти болур.
- Адамны адамлыгъы къыйынлыкъда айгъакъланады.
- Бозанг болмагъан джерге, къалагъынгы сукъма.
- Къумурсхала джыйылсала, пилни да джыгъадыла.
- Ата Джуртун танымагъан, атасын да танымаз.
- Чакъырылгъанны аты, чакъырылмагъанны багъасы болур.
- Къартны сыйын кёрмеген, къартлыгъында сыйлы болмаз.
- Адам боллукъ, атламындан белгили болур.
- Элде адам къалмаса, ит тахтагъа минер.
- Юй кюйдю да, кюйюз чыкъды, ортасындан тюйюш чыкъды.
- Биреуню къыйынлыгъы бла кесинге джол ишлеме.
- Берекет берсин деген джерде, берекет болур.
- Билген билмегенни юретген адетди.
- Эринчекни аурууу – кёб.
- Атадан ёксюз – бир ёксюз, анадан ёксюз – эки ёксюз.
- Сёлеш деб шай берген, тохта деб, сом берген.
- Ашатыргъа иш – ашхы, ишлетирге аш – ашхы.
- Ишни аллы бла къууанма да, арты бла къууан.
- Аман эсирсе, юйюн ояр.
- Ёлген ийнек сютлю болур.
- Къолунгдан къуймакъ ашатсанг да, атаны борчундан къутулмазса.
- Рысхы джалгъанды: келген да этер, кетген да этер.
- Сёз сёзню айтдырыр.
- Къонагъы джокъну – шоху джокъ.
- Кёзюнде тереги болгъан, чёбю болгъаннга кюле эди.
- Кесине оноу эте билмеген, халкъына да эте билмез.
- Ашхы адам – халкъ байлыгъы, ашхы джер – джашау байлыгъы.
- Сескекли кесин билдирир.
- Иги сёз – джаннга азыкъ, аман сёз башха – къазыкъ.
- Ашхы – джыяр, аман – джояр.
- Къыз чыгъаргъан – къызыл къымжа.
- Ёпкелегенни ашы татлы болады.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 1)