- Таш бла ургъанны, аш бла ур.
- Эшекни не къадар тюйсенг да, ат болмаз.
- Шапа кёб болса, аш татымсыз болур.
- Ёлген ийнек сютлю болур.
- Элде адам къалмаса, ит тахтагъа минер.
- Ёлюк кебинсиз къалмаз.
- Акъыллы – эл иеси, тели – эл баласы.
- Ишни аллы бла къууанма да, арты бла къууан.
- Къарыусузгъа кюлме, онгсузгъа тийме.
- Ата Джуртун танымагъан, атасын да танымаз.
- Окъугъан – асыу, окъумагъан – джарсыу.
- Ауузу аманнга «иги», деме.
- Мал ёлсе, сюек къалыр, адам ёлсе, иши къалыр.
- Джюз элде джюз ёгюзюм болгъандан эсе, джюз джууугъум болсун.
- Босагъа таш юйге кирмей эди, тыбыр таш эшикге чыкъмай эди.
- Тешик этген тынчды, аны джамагъан къыйынды.
- Тойгъа алгъа да барма, тойда артха да къалма.
- Атынг аманнга чыкъгъандан эсе, джанынг тамагъынгдан чыкъсын.
- Къыз тиширыу кеси юйюнде да къонакъды.
- Телиге акъыл салгъандан эсе, ёлгеннге джан салырса.
- Джолда аягъынга сакъ бол, ушакъда тилинге сакъ бол.
- Къонакъ болсанг, ийнакъ бол.
- Чомартха хар кюн да байрамды.
- Къыйынлы джети элге оноу этер.
- Кёл ашады да, кеси ашады.
- Ариу сёз – джаннга азыкъ, аман сёз – башха къазыкъ.
- Джашлыкъ этмеген, башлыкъ этмез.
- Рысхы джалгъанды: келген да этер, кетген да этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таула не мийик болсала да, аууш табылыр.
- Чомарт джарлы болмаз.
- Ишин билген, аны сыйын чыгъарады.
- Магъанасыз сёз – тауушсуз сыбызгъы.
- Айыбны суу бла джууалмазса.
- Уллу айтханны этмеген – уллаймаз.
- Орну джокъну – сыйы джокъ.
- Нарт сёз къарт болмаз.
- Чакъырылмай келген къонакъ сыйланмай кетер.
- Къан бла кирген, джан бла чыгъар.
- Хазыр ашха – терен къашыкъ.
- Экеулен сёлеше тура эселе, орталарына барыб кирме.
- Чёбню кёлтюрсенг, тюбюнден сёз чыгъар.
- Юреннген ауруу къалмаз.
- Аджашханны ызындагъы кёреди, джангылгъанны джанындагъы биледи.
- Ана къолу ачытмаз.
- Итли къонакъ джарашмаз.
- Сёз сёзню айтдырыр.
- Айран тёгюлсе, джугъусу къалыр.
- Борчунг бар эсе, хурджунунга ойлаб узал.
- Иги болса, тамадама – махтау, аман болса, меннге – айыб.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 2)