- Аманнга да, игиге да оноусуз къатышма.
- Кёрмегеннге кебек – танг, битмегеннге сакъал – танг.
- Джан саулукъ бермей, сан саулукъ бермезсе.
- Бастасын ашагъан, хантусун да ичер.
- Джогъун бар этген, барын бал этген.
- Юйюнгден чыкъдынг – кюнюнгден чыкъдынг.
- Игилик игилик бла сингдирилиучю затды.
- Джангыз торгъай джырламаз.
- Нафысынгы айтханын этме, намысынгы айтханын эт.
- Уллу атлама – абынырса, уллу къабма – къарылырса.
- Баланы адам этген анады.
- Чалманны аллы къалай башланса, арты да алай барады.
- Ётюрюкню башын керти кесер.
- Эл ауузу – элек, анга ийнаннган – халек.
- Рысхы – сют юсюнде кёмюк кибикди.
- Эл ауузу – элия.
- Этим кетсе да, сюегим къалыр.
- Акъылсызны джууукъгъа алма, акъыллыны кенгнге салма.
- Зар адамны насыбы болмаз.
- Экиндини кеч къылсанг, чабыб джетер ашхам.
- Ойнаб айтсанг да, эслеб айт.
- Бал ашаргъа сюе эсенг, чибин ургъаннга тёз.
- Ким бла джюрюсенг, аны кёзю бла кёрюнюрсе.
- Кесине гебен этелмеген, биреуге черен эте эди.
- Къыйынлы джети элни къайгъысын этер.
- Магъанасыз сёз – тауушсуз сыбызгъы.
- Эки элинги тыйсанг, джети элде махталырса.
- Дуния аламаты сен эсенг да, игиме деб айтма.
- Адебни адебсизден юрен.
- Джолунга кёре – джюрюшюнг, джагъанга кёре – юлюшюнг.
- Аш иеси бла татлыды.
- Байдан умут эте, джарлыдан ёгюз багъасы къорады.
- Аз айтсам, кёб ангылагъыз.
- Телиге от эт десенг, юйюнге от салыр.
- Хатерли къул болур.
- Эл бла кёргенинг эрелей.
- Эки ойлашыб, бир сёлешген.
- Байлыкъ тауусулур, билим тауусулмаз.
- Къазанда болса, чолпугъа чыгъар.
- Кюлме джашха – келир башха.
- Намыс сатылыб алынмайды.
- Къарнынг ауруса, ауузунгу тый
- «Ёгюз, джаргъа джууукъ барма, меннге джюк боллукъса», - дегенди эшек.
- Орну джокъну – сыйы джокъ.
- Шекер бла туз – бир болмаз, ушамагъан – юй болмаз.
- Кимни – тили, тиши онглу, кимни – къолу, иши онглу.
- Тёрдеги кюлсе, эшикдеги ышарыр.
- Чомартха Тейри да борчлуду.
- Бойнуму джети джерден кессенг да, мен ол ишни этеллик тюлме.
- Ауругъанны сау билмез, ач къарынны токъ билмез.
Келигиз, тил байлыгъыбызны сакълайыкъ!
|
миллетчи
Халкёчледен эсенг, мени да къарнашым боласа. Къарт анам Халкёчледенди мени, Сары - Тюзден.  |
|
|
|
|
|
Халкечев Аслан телевидениеде журналистгеми аитасыз?
|
|
|
|
|
|
всезнайка
Халкечев Аслан телевидениеде журналистгеми аитасыз? Хоу, бирге окъугъанбыз биз! Фахмулу джаш, журналистиканы къоюб олтургъанды ансын.  |
|
|
|
|
|
миллетчи
Аны уа тюз айтаса, унута барабыз тилибизни ! Бизни форумгъа кире тур. Сёлеше турурбуз, къарачай тилде  |
|
|
|
|
|
всезнайка
Не десек да, фахмулу джаш тёлюбюз кёбдю, баргъан джерибизде тилибизни, культурабызны тута билсек, андан да иги боллукъ эди. |
|
|
|
|
|
миллетчи
Кеси тилинден,адетлеринден хапары болмагъан манкъуртдан кишигеда игилик болмаз... Былай бла барсакъ, оруслула болуб къалабыз да, бир кесекден! |
|
|
|
|
|
Былай бла барсакъ, оруслула болуб къалабыз да, бир кесекден!
Аллах сакъласын бизни аллай болумдан. |
|
|
|
|
|
миллетчи
Къуру Аллахгъа къараб къалмай, кесибиз да ишлерге керекбиз тилибиз бла!  |
|
|
|
|
Аны бла да тилни юсюнден сёлеширикбизми? |
Девушка Гор
Батчаланы Алим-Муратха да соруула берликбизми, ансын, Азаматха берелмей къалгъанма, инетим болмай къалгъанды ол кюн |
|
|
|
|
|
Акъыллычыкъ
Мышона Аллах айтса, бу ыйыкъны аягъында тюбеширикбиз Къарачай-ногъай филологияны кафедрасыны тамадасы Батчаланы Али-Мурат бла. хазырлагъыз сорууларыгъызны. |
|
|
|
|
|
Али-Муратны мен да таныйма, аны къолунда окъуб кетгенме беш джылны. Терен акъылы болгъан адамды!
 |
||||
|
|
|
|||
Читают тему (гостей: 3)