Войти на сайт
25 Июня  2026 года

 

  • Тёрени джагъы джокъ.
  • Кесине гебен этелмеген, биреуге черен эте эди.
  • Ашлыкъ – бюртюкден, джюн – тюкден.
  • Аш берме да, къаш бер.
  • Башы ишлегенни, ауузу да ишлер.
  • Юй кюйдю да, кюйюз чыкъды, ортасындан тюйюш чыкъды.
  • Бети – къучакълар, джюреги – бычакълар.
  • Кюлме джашха – келир башха.
  • Эски джаугъа ышанма.
  • Юреннген ауруу къалмаз.
  • Садакъачыны джаны – къапчыгъында.
  • Къалгъан ишге къар джауар.
  • Аман адамны тепсинге олтуртсанг, къызынгы тилер.
  • Аманны къуугъан, аманлыкъ табар.
  • Сютден ауузу кюйген, суугъа юфгюре эди.
  • Ариу – кёзге, акъыл – джюрекге.
  • Элге къуллукъ этмеген, элге ие болмаз.
  • Ётюрюкден тюбю джокъ, кёлтюрюрге джиби джокъ.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ашына кёре табагъы, балына кёре къалагъы.
  • Махтаннган къыз, тойда джукълар.
  • Кёзню ачылгъаны – иги, ауузну джабылгъаны – иги.
  • Нёгерсизни джолу узун.
  • Атлыны ашхысы, ат тизгининден билинир
  • Хаухну атма, ёнгкючню сатма.
  • Ата – билек, ана – джюрек!
  • Аш кетер да бет къалыр.
  • Чомартха Тейри да борчлуду.
  • Ургъан суудан башынгы сакъла.
  • Душманны тышы – акъ, ичи – къара.
  • Тюзлюк тас болмайды.
  • Джарашыу сюйген – джалынчакъ.
  • Босагъа таш юйге кирмей эди, тыбыр таш эшикге чыкъмай эди.
  • Джылыгъа джылан илешир.
  • Ойнай билмеген, уруб къачар.
  • Аууздан келген, къолдан келсе, ким да патчах болур эди.
  • Ханнга да келеди хариблик.
  • Аджаллыгъа окъсуз шкок атылыр.
  • Чабар ат – джетген къыз.
  • Таукел адам тау тешер.
  • Ашатыргъа иш – ашхы, ишлетирге аш – ашхы.
  • Билимсиз иш бармаз.
  • Башланнган иш битер, къымылдагъан тиш тюшер.
  • Тик ёргени, тик энгишгеси да болады.
  • Кюл тюбюндеги от кёрюнмейди.
  • Къонакъ аман болса, къонакъбай джунчур
  • Уллу атлама – абынырса, уллу къабма – къарылырса.
  • Аллахдан тилесенг, кёб тиле.
  • Байдан умут эте, джарлыдан ёгюз багъасы къорады.
  • Байлыкъ адамны сокъур этер.

 

Страницы: Пред. 1 ... 9 10 11 12 13 ... 62 След.
RSS
Келигиз, тил байлыгъыбызны сакълайыкъ!
 
Девушка Гор
Къачанды тюбешиу? Къарачай тилни юсюнден соруула бериргеми керекди?
 
Мышона
Акъыллычыкъ
Мен да берликме соруула
 
Эгоистка
Мышона
Акъыллычыкъ
Сиз соруула берирге хазыр болугъуз, мен а уа джууабла табаргъа кюреширме!
 
Салам! Соруула берирге хазырма. Сюйюнчланы Азамат бла ушакъгъа къошулалмай къалгъанма. Ишим бир кеб эди. Сизни бек арытмазча, ненча соруу береим?
 
Эгоистка
Сизни бек арытмазча, ненча соруу береим?
Аяма кесинги, сюйгенингча бир соруу бер!
 
Девушка Гор
Ёпкелеб турама мен сенге!
 
Мышона
Нек сора? Не гюнах иш этдим ол сагъатха?
 
Девушка Гор
Мен да назму билеме деб кюрештим киши тынгыламады ансын
 
Девушка Гор
Биз бир-бирибизге тынгылайбыз, дебми тураса? Хар ким билгенин джазады. Джазсанга бир назму!
 
Девушка Гор
Ана тилим,
Джаным -тиним
Сенсе, дейие,
Джарыкъ кюнюм

Сени бла, тизиб, анам
Меннге белляу айтыучанед.
Озуб баргъан джолоучу да,
Муну эшитиб къайытыучанед

Джаным-тиним,
Ана тилим!
Уллуд сени сюймеклигим.

Сени бла окъуб-джазыб,
Ачылгъанма кёб затлагъа.
Салам алыб, салам салыб,
Шагъырей болдум кёб халкълагъа

Ана тилим, ёсериксе
Джаш тёлюню къулачында.
Мийик кёкге джетериксе
Миллетинги къууанчында
 
Мышона
Мен да назму билеме деб кюрештим киши тынгыламады ансын
 
Шагъырей - сезню магъанасын в студию...))))
 
Шагъырей
Сёзлюкге кёре - свидетель!
 
Девушка Гор
Я так думаю, что будет неправильно, если интервью с Суюнчевым затеряется в форуме среди флуда... может, оформишь как статью и передашь для опубликования на главной странице сайта?
 
Сэстренка
Идея хорошая! Но статью про Суюнчева я недавно писала!
 
Мен ангыламагъан бир зат барды, тил байлыгъыбызны къалай сакъларыкъбыз, сёзлени тюз джаза билген адамланы санаб чыгъарчады сора?
 
Акъыллычыкъ
Орусс тилге джарашыб къалабыз
 
Орусс тилге джарашыб къалабыз
огъай, огъай джамагъат))) Кёчмейбиз)))Бизни тилибиз байды, айтыргъа сёз табарбыз
 
РыЖаЯ
Да алай болмасын деб кюрешебиз биз да. Къуру былайда сёлеше турсакъ да, унутулмаз тилибиз?
 
Орусс тилге джарашыб къалабыз
Керти да, селешиб башласакъ къарачайча башлайбыз - орус тилде бошайбыз. Аны тюзетир мадар табаргъа керекди
 
Эгоистка
Келигиз бирге сагъыш этейик
 
Эгоистка
Тюзетген а уа этер эдик, къалай ансын?
Сёз ючюн, мени тёгерегимде къарачай-малкъар тилде тюз сёлешген адам кёрмейме, кимден юренейим?
 
Къызла сиз къайда окъугъансыз, эл школдамы, огъесе шахардамы?
 
Акъыллычыкъ
Шахар деб турама мена уа
 
Къызла сиз къайда окъугъансыз, эл школдамы, огъесе шахардамы
Мен да шахарда окъугъанма.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 9 10 11 12 13 ... 62 След.
Читают тему (гостей: 3)

 

Написать нам