- Аджашхан тёгерек айланыр.
- Сакъламагъан затынга джолукъсанг, не бек къууанаса, не бек ачыйса.
- Джумушакъ терекни къурт ашар.
- Тилде сюек болмаса да, сюек сындырыр.
- Ойнай-ойнай кёз чыгъар.
- Кёзню ачылгъаны – иги, ауузну джабылгъаны – иги.
- Ёмюрлюк шохлукъну джел элтмез.
- Болджал ишни бёрю ашар.
- Джиби бир къат джетмей эди да, эки къат тарта эди.
- Кесинге джетмегенни, кёб сёлешме.
- Чомартны къолун джокълукъ байлар.
- Эски джаугъа ышанма.
- Бойнуму джети джерден кессенг да, мен ол ишни этеллик тюлме.
- Эринчекни аурууу – кёб.
- Ата Джуртча джер болмаз, туугъан элча эл болмаз.
- Ариу сёз аурууунгу алыр.
- Къуру гыбыт бек дыгъырдар.
- Этни бети бла шорпасы.
- Къонакъ аман болса, къонакъбай джунчур
- Чарсда алчыны эл кёреди.
- Тёрени джагъы джокъ.
- Сёз садакъдан кючлюдю.
- Айтылгъан сёз ызына къайтмаз.
- Бозаны арты дауур болур.
- Къан бла кирген, джан бла чыгъар.
- Алма терегинден кери кетмез.
- От кюйдюрген, сау болса да, тот кюйдюрген, сау болмаз.
- Бети къызарыучу адамны, джюреги харам болмаз.
- Нарт сёз – тилни бети.
- Малны кют, джерни тюрт.
- Къошда джокъгъа – юлюш джокъ.
- Таш ата билмеген, башына урур.
- Зар адам ашынгы ашар, кесинги сатар.
- Кёб ант этген, кёб ётюрюк айтыр.
- Кесине гебен этелмеген, биреуге черен эте эди.
- Тамчы таш тешер.
- Суу ичген шауданынга тюкюрме.
- Ашда – бёрю, ишде – ёлю.
- Тойгъа барсанг, тоюб бар, эски тонунгу къоюб бар.
- Адебни адебсизден юрен.
- Айыбны суу бла джууалмазса.
- Ач келгенни – тойдур, кеч келгенни – къондур.
- Экиндини кеч къылсанг, чабыб джетер ашхам.
- Ёгюзню мюйюзюнден тутадыла, адамны сёзюнден тутадыла.
- Тили узунну, намысы – къысха.
- Сёз къанатсыз учар.
- Джарашыу сюйген – джалынчакъ.
- Билимли ёлмез, билимсиз кёрмез.
- Ач отунчуну ачыуу – бурнунда.
- Джеринден айырылгъан – джети джылар, джуртундан айырылгъан – ёлгюнчю джылар.
Къарачай-малкъар халкъны нарт сёзлери
|
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар.  |
|
|
|
|
|
Кергелен
кечериксе, никинги магъанасы къалай болады бир англат? |
|
|
|
|
|
Иллада
Кергелен - Индий океанда айрымканчыкъды. |
|
|
|
|
|
Кергелен
айрымканды.- это слово переводится как остров? |
|
|
|
|
|
Иллада
хоу. |
|
|
|
|
|
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
|
|
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
|
|
Эфенди аман болса - Ёллюк къыйналыр.
|
|
|
|
|
|
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
|
|
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
|
|
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
|
|
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
|
|
Телиден туура хапар)))
Мне так нДравится)))   |
|
|
|
|
|
Телини юйюн махтагъан джабар
|
|
|
|
|
|
къан бла кирген джан бла чигъады!
намысы болганы сыйы болукту! |
|
|
|
|
|
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
|
|
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
|
|
Мышона
Керти сёзле! |
|
|
|
|
|
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
|
|
||||
|
|
|
|||
Читают тему (гостей: 2)