- Игилик игилик бла сингдирилиучю затды.
- Кёлсюзден сёзсюз тууар.
- Ачыу алгъа келсе, акъыл артха къалады.
- Рысхысына кёре, джаш ёсер, къышлыгъына кёре, мал ёсер.
- Ашхы – джыяр, аман – джояр.
- Мени джылытмагъан кюн, меннге тиймесин!
- Джигер – джаннга къыйынлыкъ.
- Аманнга игилик этсенг, юйюнге сау бармазса.
- Ата – билек, ана – джюрек!
- Тилчиден кери бол.
- Керилген да, ургъан кибикди.
- Окъуу – билимни ачхычы, окъуу – дунияны бачхычы.
- Ауругъанны сау билмез, ач къарынны токъ билмез.
- Къыз келсе, джумуш эте келеди, къатын келсе, ушакъ эте келеди.
- Телиге акъыл салгъандан эсе, ёлгеннге джан салырса.
- Шайтан алдады, тюзлюк къаргъады.
- Къонакъ хазыр болгъанлыкъгъа, къонакъбай хазыр тюлдю.
- Кёб джат да, бек чаб.
- Юйюнг бла джау болгъандан эсе, элинг бла джау бол.
- Адам къыйынлыгъын кёлтюрюр, зауукълугъун кёлтюрмез.
- Джюрек кёзден алгъа кёрюр.
- Къумурсхала джыйылсала, пилни да джыгъадыла.
- Къонакъны къачан кетерин сорма, къачан келлигин сор.
- Тешигини къатында, чычхан да батыр болур.
- Иги сеники эсе да, сюйген кесимикин этеме.
- Урунуу – насыбны анасы.
- Башсыз урчукъ тюзюне айланмаз.
- Нарт сёз – тилни бети.
- Акъыл бла адеб эгизледиле.
- Адеб базарда сатылмаз.
- Къайгъы тюбю – тенгиз.
- Абынмазлыкъ аякъ джокъ, джангылмазлыкъ джаякъ джокъ.
- Акъдан къара болмаз.
- Итли къонакъ джарашмаз.
- Уллу айтханны этмеген – уллаймаз.
- Кюн кёрмеген, кюн кёрсе, кюндюз чыракъ джандырыр.
- Аман эсирсе, юйюн ояр.
- Алма терегинден кери кетмез.
- Гырджын – тепсини тамадасы.
- Тамбла алтындан бюгюн багъыр ашхы.
- Атадан ёксюз – бир ёксюз, анадан ёксюз – эки ёксюз.
- Ашхылыкъ джерде джатмайды, аманлыкъ суугъа батмайды.
- Соргъан айыб тюлдю, билмеген айыбды.
- Халкъны джырын джырласанг, халкъ санга эжиу этер.
- Сёлеш деб шай берген, тохта деб, сом берген.
- Ханы къызы буюгъа-буюгъа киштик болду.
- Акъыллы эркиши атын махтар, акъылсыз эркиши къатынын махтар.
- Магъанасыз сёз – тауушсуз сыбызгъы.
- Ата Джуртуму башы болмасам да, босагъасында ташы болайым.
- Уллу къазанда бишген эт, чий къалмаз.
Къарачай-малкъар халкъны нарт сёзлери
|
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар.  |
|
|
|
|
|
Кергелен
кечериксе, никинги магъанасы къалай болады бир англат? |
|
|
|
|
|
Иллада
Кергелен - Индий океанда айрымканчыкъды. |
|
|
|
|
|
Кергелен
айрымканды.- это слово переводится как остров? |
|
|
|
|
|
Иллада
хоу. |
|
|
|
|
|
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
|
|
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
|
|
Эфенди аман болса - Ёллюк къыйналыр.
|
|
|
|
|
|
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
|
|
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
|
|
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
|
|
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
|
|
Телиден туура хапар)))
Мне так нДравится)))   |
|
|
|
|
|
Телини юйюн махтагъан джабар
|
|
|
|
|
|
къан бла кирген джан бла чигъады!
намысы болганы сыйы болукту! |
|
|
|
|
|
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
|
|
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
|
|
Мышона
Керти сёзле! |
|
|
|
|
|
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
|
|
||||
|
|
|
|||
Читают тему (гостей: 1)