- Билим насыб берир, билим джолну керир.
- Сескекли кесин билдирир.
- Телини эшигин, махтау джабар.
- Сууда джау джокъ, кёб сёзде магъана джокъ.
- Ашда – бёрю, ишде – ёлю.
- Къызын тута билмеген, тул этер, джашын тута билмеген, къул этер.
- Ёгюзню мюйюзюнден тутадыла, адамны сёзюнден тутадыла.
- Айныгъанлы алты кюн, тогъайгъанлы тогъуз кюн.
- Таукел адам тау тешер.
- Нарт сёз – тилни бети.
- Аш хазыр болса, иш харам болур.
- Ачылгъан эт джабылыр, кёрген кёз унутмаз.
- Акъыллы башны – тили къысха.
- Ат басханны джер билед.
- Ишленмеген джаш – джюгенсиз ат, ишленмеген къыз – тузсуз хант.
- Ишни аллы бла къууанма да, арты бла къууан.
- Таукелге нюр джауар.
- Кёбден умут этиб, аздан къуру къалма.
- Сабий болмагъан джерде, мёлек болмаз.
- Уллу къашыкъ эрин джыртар.
- Джарлыны эшигин махтагъан джабар.
- Тюзню ётмеги тюзде къалса да, тас болмаз.
- Джетген къыз джерли эшекни танымаз.
- Кёбге таш атма.
- Арбаз сайлама да, хоншу сайла.
- Биреу къой излей, биреу той излей.
- Байдан умут эте, джарлыдан ёгюз багъасы къорады.
- Таш ата билмеген, башына урур.
- Аллахха ийнаннган кишини, Аллах онгдурур ишин.
- Сёз къанатсыз учар.
- Уллу сёзде уят джокъ.
- Дженгил джетерикме деб, узун джолну къоюб, къысхасын барма.
- Ойнаб айтсанг да, эслеб айт.
- Аджал соруб келмез, келсе, къайтыб кетмез.
- Джарлы тюеге минсе да, ит къабар.
- Ёлюр джаннга, ёкюл джокъ.
- Тойгъандан сора, ашны сёкме.
- Кёб къычыргъандан – къоркъма, тынч олтургъандан – къоркъ.
- Адебсиз адам – джюгенсиз ат.
- Айыбны суу бла джууалмазса.
- Ачны эсинде – аш.
- Тиширыусуз юй – отсуз от джагъа.
- Джыланны къуйругъундан басарынг келсе, аны башы болгъанын унутма.
- Акъылсызны джууукъгъа алма, акъыллыны кенгнге салма.
- Ёксюзню къалачы уллу кёрюнюр.
- Окъугъан озар, окъумагъан тозар.
- Къатын къылыкъсыз, эр тынчлыкъсыз.
- Кёзню ачылгъаны – иги, ауузну джабылгъаны – иги.
- Рысхы – сют юсюнде кёмюк кибикди.
- Тура эдим джата, къайдан чыкъды хата?
Къарачай-малкъар халкъны нарт сёзлери
|
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар.  |
|
|
|
|
|
Кергелен
кечериксе, никинги магъанасы къалай болады бир англат? |
|
|
|
|
|
Иллада
Кергелен - Индий океанда айрымканчыкъды. |
|
|
|
|
|
Кергелен
айрымканды.- это слово переводится как остров? |
|
|
|
|
|
Иллада
хоу. |
|
|
|
|
|
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
|
|
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
|
|
Эфенди аман болса - Ёллюк къыйналыр.
|
|
|
|
|
|
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
|
|
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
|
|
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
|
|
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
|
|
Телиден туура хапар)))
Мне так нДравится)))   |
|
|
|
|
|
Телини юйюн махтагъан джабар
|
|
|
|
|
|
къан бла кирген джан бла чигъады!
намысы болганы сыйы болукту! |
|
|
|
|
|
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
|
|
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
|
|
Мышона
Керти сёзле! |
|
|
|
|
|
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
|
|
||||
|
|
|
|||
Читают тему (гостей: 1)