- Джангыз терек къынгыр ёсер.
- Ариу сёзде ауруу джокъ.
- Тилчи бир сагъатха айлыкъ хата этер.
- Джан саулукъ бермей, сан саулукъ бермезсе.
- Алма терегинден кери кетмез.
- Тенгни тенглиги джашай барсанг билинир.
- Биреуню къыйынлыгъы бла кесинге джол ишлеме.
- Байлыкъ келсе, акъыл кетер.
- Эркишини аманы тиширыуну джылатыр.
- Нарт сёз къарт болмаз.
- Ауузу аманнга «иги», деме.
- Адамны бетине къарама, адетине къара.
- Эр абынмай, эл танымаз.
- Ачлыкъ отха секиртир.
- Ауругъанны сау билмез, ач къарынны токъ билмез.
- Къарт болгъан джерде, берекет болур, сабий болгъан джерде, оюн болур.
- Тамбла алтындан бюгюн багъыр ашхы.
- Джерни букъусу кёкге къонмаз.
- Къазанчы аман болса, къазаны къайнамаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къайгъыны сюйген, къайгъы табар.
- Туз, гырджын аша, тюзлюк бла джаша.
- Уллу къашыкъ эрин джыртар.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишленмеклик адамлыкъды.
- Сакъламагъан затынга джолукъсанг, не бек къууанаса, не бек ачыйса.
- Ашатыргъа иш – ашхы, ишлетирге аш – ашхы.
- Ашыкъгъан cуу, тенгизге джетмез.
- Къанны къан бла джуума, аманны аман бла къуума.
- Биреуге кёлтюрген таягъынг, кесинги башынга урур.
- Ариу сёз джыланны орнундан чыгъарыр.
- Билеги кючлю, бирни джыгъар, билими кючлю, мингни джыгъар.
- Джетген къыз джерли эшекни танымаз.
- Борчунг бар эсе, хурджунунга ойлаб узал.
- Зар адамны насыбы болмаз.
- Кюлме джашха – келир башха.
- Aдам боллукъ, сыфатындан белгили.
- Оюмсуз атлагъан, аджалсыз ёлюр.
- Айыбны суу бла джууалмазса.
- Сабий болмагъан джерде, мёлек болмаз.
- Кесине гебен этелмеген, биреуге черен эте эди.
- Ургъан суудан башынгы сакъла.
- Айранны сюйген, ийнек тутар.
- Чабар ат – джетген къыз.
- Хар адамгъа кеси миннген тау кибик.
- Окъугъанны бети джарыкъ.
- Эли джокъну – кёлю джокъ.
- Керти сёзге тёре джокъ.
- Адамны аты башхача, акъылы да башхады.
- Ариу сёз аурууунгу алыр.
Къарачай-малкъар халкъны нарт сёзлери
|
Магъанасыз сез таушсуз сыбызгъы.
Мадар къарын тойдурур. Мадар болса къадар болур. Майлы болсун къошугъыз. |
|
|
|
|
|
Ариу сёз- джаннга азыкъ,
Аман сёз- башха къазыкъ. )))) |
|
|
|
|
|
Аджал соруп келмез,
Келсе, къайтыб кетмез. |
|
|
|
|
|
Алтын бериб алгъан шохунг къыйынлы кюнде башынгы кесер.
Ана-юйню кюн джарыгъы!!!!!!!!!! |
|
|
|
|
|
--Ариу сёз джыланны орнундан чыгъарыр.
--Ётюрюкню башын керти кесер. --Джюрек кёзден алгъа кёрюр. --Къар джаумай, сууукъ болмаз, Мал бермей, джууукъ болмаз!!!! |
|
|
|
|
|
Ата джуртун танымагъан атасын да танымаз.
Баш болса бёрк табылыр. Джюрек джюрекни ачхычыды. Иги адам, абынса да , джыгъылмаз. Намыс сатылыб алынмайды... |
|
|
|
|
|
Нарт сёз Къарт болмаз.
Нарт сёз морт болмаз. Нарт сёз сёзню тамыры. Нарт сёз тик болса да тюз. Нарт сёз тилни бети. Нарт сёз тилни тиеги. |
|
|
|
|
|
Кергелен
Да так ближе по смыслу.  |
|
|
|
|
|
Хорошая тема, только давайте сразу и перевод к пословице. Иногда можно такое завернуть
 |
|
|
|
|
|
Суу эски орнуна къаитмай къалмаз-Река вернется в свое русло къачан болсада
|
|
|
|
|
|
Халкъны жырын жырласанг,
Халкъ санга эжиу этер. Эли болмагъанны-келю болмаз. Кёлю жокъну-жолу жокъ. |
|
|
|
|
|
таулума мен
Халкъны жырын жырласанг, Халкъ санга эжиу этер. Аламат нарт сёз, оюмландыргъан!  Эл бир джанына, къыиыкъ киши бир джанына дегенлей болмазча  |
|
|
|
|
|
Кийимни бичсенг кенг бич, тар этген къыйын тюлдю.
Кийимни бир кюнню аясанг, минг кюнге джарар Кийиминг бла танылма, адамлыкъ бла таныл. Кийим тукъум сордурур. |
|
|
|
|
|
Аман къой сууну ортасына кириб суу ичер(каматурда окъудум)
|
|
|
|
|
|
Манхантанн ийнек челегин бозар
 |
|
|
|
|
|
ойнай-ойнай кез чыгъарды)
|
|
|
|
|
|
Манхантанн ийнек челегин бозар
Azamat бу уа америкалы нартланы сёзлери болур)) |
|
|
|
|
|
Эшекден туугъан эшек... нарт сёз))))
|
|
|
|
|
|
... аллай нарт сёз джокъду ))
|
|
|
|
|
|
Къанатлыла да юйюр юйюр къонадыла
|
|
|
|
|
|
Къошда джокъгъа- юлюш джокъ.
 |
|
|
|
|
|
Уллу сёлешме да, уллу къаб!
|
||||
|
|
|
|||
Читают тему (гостей: 5)