- Ач отунчуну ачыуу – бурнунда.
- Тили узунну, намысы – къысха.
- Ауругъанны сау билмез, ач къарынны токъ билмез.
- Аманнга да, игиге да оноусуз къатышма.
- Бети бедерден, намыс сакълама.
- Азыкълы ат арымаз, къатыны аман джарымаз.
- Бозаны арты дауур болур.
- Бозанг болмагъан джерге, къалагъынгы сукъма.
- Уллу къазанда бишген эт, чий къалмаз.
- Кеси юйюмде мен да ханма.
- Чомартны къолу берекет.
- Эр сокъур болсун, къатын тилсиз болсун.
- Уллу айтханны этмеген – уллаймаз.
- Къулакъдан эсе, кёзге ышан.
- Бойнуму джети джерден кессенг да, мен ол ишни этеллик тюлме.
- Хар сёзню орну барды.
- Ётюрюкчюню шагъаты – къатында.
- Этни бети бла шорпасы.
- Чомарт джарлы болмаз.
- Джашынгы кесинг юретмесенг, джашау юретир.
- Аз айтсам, кёб ангылагъыз.
- Къар – келтирди, суу – элтди.
- Кесине оноу эте билмеген, халкъына да эте билмез.
- Ёксюзню къалачы уллу кёрюнюр.
- Тёрдеги кюлсе, эшикдеги ышарыр.
- Аман эсирсе, юйюн ояр.
- Шапа кёб болса, аш татымсыз болур.
- Рысхысына кёре, джаш ёсер, къышлыгъына кёре, мал ёсер.
- Гитче джилтин уллу элни джандырыр.
- Уллу сёзде уят джокъ.
- Къатын къылыкъсыз, эр тынчлыкъсыз.
- Эл бла кёргенинг эрелей.
- Ана къойну – балагъа джандет.
- Булут кёкге джарашыу, уят бетге джарашыу.
- Джерни букъусу кёкге къонмаз.
- Айран тёгюлсе, джугъусу къалыр.
- Тойчу джашха къарама, къойчу джашха къара.
- Керек ташны ауурлугъу джокъ.
- Таукел тауну аудурур.
- Болджал ишни бёрю ашар.
- Азыкъ аз болса, эртде орун сал.
- Зар адамны насыбы болмаз.
- Адебсиз адам – джюгенсиз ат.
- Тойгъан антын унутур.
- Мал кёб болса, джууукъ кёб болур.
- Ана къолу ачытмаз.
- Ургъан суудан башынгы сакъла.
- Ашхылыкъ джерде джатмайды, аманлыкъ суугъа батмайды.
- Къарын къуру болса, джюрек уру болур.
- Нёгерсизни джолу узун.
Къарачай-малкъар халкъны нарт сёзлери
|
Магъанасыз сез таушсуз сыбызгъы.
Мадар къарын тойдурур. Мадар болса къадар болур. Майлы болсун къошугъыз. |
|
|
|
|
|
Ариу сёз- джаннга азыкъ,
Аман сёз- башха къазыкъ. )))) |
|
|
|
|
|
Аджал соруп келмез,
Келсе, къайтыб кетмез. |
|
|
|
|
|
Алтын бериб алгъан шохунг къыйынлы кюнде башынгы кесер.
Ана-юйню кюн джарыгъы!!!!!!!!!! |
|
|
|
|
|
--Ариу сёз джыланны орнундан чыгъарыр.
--Ётюрюкню башын керти кесер. --Джюрек кёзден алгъа кёрюр. --Къар джаумай, сууукъ болмаз, Мал бермей, джууукъ болмаз!!!! |
|
|
|
|
|
Ата джуртун танымагъан атасын да танымаз.
Баш болса бёрк табылыр. Джюрек джюрекни ачхычыды. Иги адам, абынса да , джыгъылмаз. Намыс сатылыб алынмайды... |
|
|
|
|
|
Нарт сёз Къарт болмаз.
Нарт сёз морт болмаз. Нарт сёз сёзню тамыры. Нарт сёз тик болса да тюз. Нарт сёз тилни бети. Нарт сёз тилни тиеги. |
|
|
|
|
|
Кергелен
Да так ближе по смыслу.  |
|
|
|
|
|
Хорошая тема, только давайте сразу и перевод к пословице. Иногда можно такое завернуть
 |
|
|
|
|
|
Суу эски орнуна къаитмай къалмаз-Река вернется в свое русло къачан болсада
|
|
|
|
|
|
Халкъны жырын жырласанг,
Халкъ санга эжиу этер. Эли болмагъанны-келю болмаз. Кёлю жокъну-жолу жокъ. |
|
|
|
|
|
таулума мен
Халкъны жырын жырласанг, Халкъ санга эжиу этер. Аламат нарт сёз, оюмландыргъан!  Эл бир джанына, къыиыкъ киши бир джанына дегенлей болмазча  |
|
|
|
|
|
Кийимни бичсенг кенг бич, тар этген къыйын тюлдю.
Кийимни бир кюнню аясанг, минг кюнге джарар Кийиминг бла танылма, адамлыкъ бла таныл. Кийим тукъум сордурур. |
|
|
|
|
|
Аман къой сууну ортасына кириб суу ичер(каматурда окъудум)
|
|
|
|
|
|
Манхантанн ийнек челегин бозар
 |
|
|
|
|
|
ойнай-ойнай кез чыгъарды)
|
|
|
|
|
|
Манхантанн ийнек челегин бозар
Azamat бу уа америкалы нартланы сёзлери болур)) |
|
|
|
|
|
Эшекден туугъан эшек... нарт сёз))))
|
|
|
|
|
|
... аллай нарт сёз джокъду ))
|
|
|
|
|
|
Къанатлыла да юйюр юйюр къонадыла
|
|
|
|
|
|
Къошда джокъгъа- юлюш джокъ.
 |
|
|
|
|
|
Уллу сёлешме да, уллу къаб!
|
||||
|
|
|
|||
Читают тему (гостей: 1)