- Кенгеш болса, уруш болмаз.
- Ышармагъан – кюлмез, кюлмеген – къууанчны билмез.
- Джылыгъа джылан илешир.
- Аман адамны тепсинге олтуртсанг, къызынгы тилер.
- Тынгылагъан тынгы бузар.
- Суу ичген шауданынга тюкюрме.
- Сабийни джумушха джибер да, ызындан бар.
- Адамгъа аман кюн соруб келмейди.
- Аджаллыгъа окъсуз шкок атылыр.
- Тойгъан джерден туугъан джер игиди.
- Аджал соруб келмез, келсе, къайтыб кетмез.
- Этек чакъмакълары баш джаргъан, сёлешген сёзлери таш джаргъан.
- Акъыллы – эл иеси, тели – эл баласы.
- Билмезни кёзю кёрмез, этмезни къулагъы эшитмез.
- Джашны джигитлиги сорулур, къызны джигерлиги сорулур.
- Аджалсыз ёлюм болмаз.
- Арпа, будай – ащды, алтын, кюмюш а – ташды.
- Къонакъ кёб келюучю юйню, къазаны отдан тюшмез.
- Кёбден умут этиб, аздан къуру къалма.
- Ауузу аманнга «иги», деме.
- Телини эшигин, махтау джабар.
- Эрине къаргъыш этген къатын, эрнин къабар.
- Кесине оноу эте билмеген, халкъына да эте билмез.
- Чакъырылгъанны аты, чакъырылмагъанны багъасы болур.
- Асхат ашлыкъ сата, юйдегиси ачдан къата.
- Мураты болгъанны джюрек тебюую башхады.
- Къатын байлыкъны сюер, эр саулукъну сюер.
- Аллахха ийнаннган кишини, Аллах онгдурур ишин.
- Атынг аманнга чыкъгъандан эсе, джанынг тамагъынгдан чыкъсын.
- Хатерли къул болур.
- Туз, гырджын аша, тюзлюк бла джаша.
- Ачыу алгъа келсе, акъыл артха къалады.
- Ауузу бла къуш тута айланады.
- Джол бла сёзню къыйыры джокъ.
- Кийимни бичсенг, кенг бич, тар этген къыйын тюлдю.
- Айран тёгюлсе, джугъусу къалыр.
- Огъурлуну сёзю – суу, огъурсузну сёзю – уу.
- Чомартны къолун джокълукъ байлар.
- Къарнынг ауруса, ауузунгу тый
- Ата джурт – алтын бешик.
- Босагъагъа джууукъ орун болса, ашыгъыб тёрге озма.
- Тау башында, тау болмаз, джангыз терек, бау болмаз.
- Ушамагъан – джукъмаз.
- Уллу къазанда бишген эт, чий къалмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джырына кёре эжиую.
- Аджашхан тёгерек айланыр.
- Джаш къарыу бла кючлю, къарт акъыл бла кючлю.
- Таукел тауну аудурур.
- Джолда аягъынга сакъ бол, ушакъда тилинге сакъ бол.
Къарачай-малкъар халкъны нарт сёзлери
|
Магъанасыз сез таушсуз сыбызгъы.
Мадар къарын тойдурур. Мадар болса къадар болур. Майлы болсун къошугъыз. |
|
|
|
|
|
Ариу сёз- джаннга азыкъ,
Аман сёз- башха къазыкъ. )))) |
|
|
|
|
|
Аджал соруп келмез,
Келсе, къайтыб кетмез. |
|
|
|
|
|
Алтын бериб алгъан шохунг къыйынлы кюнде башынгы кесер.
Ана-юйню кюн джарыгъы!!!!!!!!!! |
|
|
|
|
|
--Ариу сёз джыланны орнундан чыгъарыр.
--Ётюрюкню башын керти кесер. --Джюрек кёзден алгъа кёрюр. --Къар джаумай, сууукъ болмаз, Мал бермей, джууукъ болмаз!!!! |
|
|
|
|
|
Ата джуртун танымагъан атасын да танымаз.
Баш болса бёрк табылыр. Джюрек джюрекни ачхычыды. Иги адам, абынса да , джыгъылмаз. Намыс сатылыб алынмайды... |
|
|
|
|
|
Нарт сёз Къарт болмаз.
Нарт сёз морт болмаз. Нарт сёз сёзню тамыры. Нарт сёз тик болса да тюз. Нарт сёз тилни бети. Нарт сёз тилни тиеги. |
|
|
|
|
|
Кергелен
Да так ближе по смыслу.  |
|
|
|
|
|
Хорошая тема, только давайте сразу и перевод к пословице. Иногда можно такое завернуть
 |
|
|
|
|
|
Суу эски орнуна къаитмай къалмаз-Река вернется в свое русло къачан болсада
|
|
|
|
|
|
Халкъны жырын жырласанг,
Халкъ санга эжиу этер. Эли болмагъанны-келю болмаз. Кёлю жокъну-жолу жокъ. |
|
|
|
|
|
таулума мен
Халкъны жырын жырласанг, Халкъ санга эжиу этер. Аламат нарт сёз, оюмландыргъан!  Эл бир джанына, къыиыкъ киши бир джанына дегенлей болмазча  |
|
|
|
|
|
Кийимни бичсенг кенг бич, тар этген къыйын тюлдю.
Кийимни бир кюнню аясанг, минг кюнге джарар Кийиминг бла танылма, адамлыкъ бла таныл. Кийим тукъум сордурур. |
|
|
|
|
|
Аман къой сууну ортасына кириб суу ичер(каматурда окъудум)
|
|
|
|
|
|
Манхантанн ийнек челегин бозар
 |
|
|
|
|
|
ойнай-ойнай кез чыгъарды)
|
|
|
|
|
|
Манхантанн ийнек челегин бозар
Azamat бу уа америкалы нартланы сёзлери болур)) |
|
|
|
|
|
Эшекден туугъан эшек... нарт сёз))))
|
|
|
|
|
|
... аллай нарт сёз джокъду ))
|
|
|
|
|
|
Къанатлыла да юйюр юйюр къонадыла
|
|
|
|
|
|
Къошда джокъгъа- юлюш джокъ.
 |
|
|
|
|
|
Уллу сёлешме да, уллу къаб!
|
||||
|
|
|
|||
Читают тему (гостей: 5)